સોશિયલ મીડિયામાં જોરશોરથી ચર્ચા ચાલી રહી છે કે ઋષભ પંતે અભિનેત્રી ઉર્વશી રૌતેલાને બ્લોક કરી નાખી છે. સાથે જ એક વોટ્સએપ ચેટ પણ વાયરલ થઇ રહી છે અને દાવો કરવામાં આવી રહ્યો છે કે આ ચેટ ઋષભ અને ઉર્વશીની છે. આ વાત પર હવે નવો ખુલાસો થયો છે.
ઉર્વશીને બ્લોક કરવાની ખબર સામે આવી હતી
ઉર્વશી રૌતેલાના સુત્રોએ ખબરને તદ્દન ખોટી ગણાવી
ઋષભ અને ઉર્વશીનાં સંબંધો વિશે સોશિયલ મીડિયામાં થઇ રહી છે ચર્ચા
નોંધનીય છે કે ઉર્વશી રૌતેલાથી જોડાયેલ એક સૂત્ર અનુસાર આ ખબર તદ્દન ખોટી છે. મીડિયામાં પણ ઘણી ચર્ચા હતી કે ભારતનાં વિકેટકિપરે ઉર્વશીને બ્લોક કરી નાખી છે. જેના પર ઉર્વશીના નજીકનાં સુત્રોએ મોટો ખુલાસો કર્યો છે કે આ સમગ્ર ઘટના ફેક છે.
હાર્દિક પંડ્યાથી દૂર થયા બાદ ઉર્વશી અને ઋષભનું નામ સાથે જોડવામાં આવ્યું હતું. ઉર્વશી ઋષભ સાથે ડીનર ડેટ પર પણ જોવા મળી હતી. વેસ્ટ ઇન્ડીઝ સામે T 20 પહેલાં બંને ડેટ પર ગયા હતા જે બાદ બંનેની ખબર મીડિયામાં આવી હતી. બંનેનાં રીલેશન સોશિયલ મીડિયામાં પણ ખુબ ચર્ચિત છે.
જોકે નવા વર્ષમાં ઋષભ પંતે બધાને ચોંકાવી દીધા હતા. ન્યુ યર ઈવ પર ઇશા નેગી સાથે ફોટો શેર કરીને ઋષભ પંતે બધાને આશ્ચર્યમાં મૂકી દીધા હતા. આ પોસ્ટથી તેઓ ઈશારો કરી રહ્યા હતા કે હવે તેઓ ઈશાને ડેટ કરી રહ્યા છે. જે બાદ ઉર્વશી અને પંતની અટકળોને વિરામ મળ્યો છે.