ભારતીય ક્રિકેટ ટીમ અત્યારે ન્યૂઝીલેન્ડના પ્રવાસ પર છે. ન્યૂઝીલેન્ડ સામે ટેસ્ટ મેચ રમાય એ પહેલાં બંને ટીમ વચ્ચે પ્રેક્ટીસ મેચ રમાઈ હતી. પ્રેક્ટીસ મેચમાં શાનદાર બેટિંગ કરીને ઋષભ પંતે બધાનું દિલ જીતી લીધું. વન ડે મેચમાં પરાજય બાદ ટેસ્ટમાં બદલો લેવાનો ભારત પાસે મોકો છે ત્યારે ઋષભ પંત સારી ફોર્મમાં રમતા દેખાઈ રહ્યા છે. મેચની બીજી ઇનિંગમાં પંતે 70 રન ફટકાર્યા હતા. જે બાદ તેમનો વીડિયો સોશિયલ મીડિયામાં વાયરલ થઇ રહ્યો છે.
પ્રેક્ટીસ મેચમાં પંતની શાનદાર બેટિંગ
ભારત અને ન્યૂઝીલેન્ડ વચ્ચે યોજાશે ટેસ્ટ સીરીઝ
પંતની સિક્સરનો વીડિયો સોશિયલ મીડિયામાં વાયરલ
ભારત અને ન્યૂઝીલેન્ડ વચ્ચે બે મેચની ટેસ્ટ સીરીઝ 21મી ફેબ્રુઆરીના રોજ શરુ થશે. એ પહેલા ટીમ ઈન્ડિયાએ ન્યૂઝીલેન્ડ સામે પ્રેક્ટીસ મેચ રમી જે ડ્રો રહી. ટીમ ઈન્ડિયાએ પહેલાં બેટિંગ કરતા 263 રન બનાવ્યા હતા. હનુમા વિહારીએ 101 રનની ધુઆંધાર બેટિંગ કરી. બીજી ઇનિંગમાં ટીમ ઈન્ડિયાએ 4 વિકેટ પર 252 રન ફટકાર્યા જેમાં ઋષભ પંતે 70 રનની શાનદાર બેટિંગ કરી.
ઋષભ પંતે પોતાની ઇનિંગમાં 4 ચોક્કા અને 4 છગ્ગા લગાવ્યા. ઋષભ પંતની ધુઆંધાર બેટિંગનો વીડિયો બાય્રલ થઇ રહ્યો છે. જેમાં તે ઈશ સોઢીની ઓવરમાં બે સિક્સ ફટકારી. તે સમયે મયંક અગ્રવાલ પાર્ટનરશીપ કરી રહ્યા હતાં. પંતની બેટિંગ જોઇને મયંક અગ્રવાલ ચકિત રહી ગયા હતા. પંતે શાનદાર બેટિંગ કરી 65 બોલમાં 70 રન કરી નાખ્યા.
મેચમાં ટીમ ઈન્ડિયાએ બોલિંગ પણ ખૂબ શાનદાર કરી હતી. મોહમ્મદ શમીએ 3 વિકેટ ઝડપી જયારે જસપ્રીત બુમરાહ, ઉમેશ યાદવ, નવદીપ સૈનીએ 2-2 વિકેટ લીધી. ઘણા સમય બાદ ટીમ ઈન્ડિયામાં વાપસી કરનાર રવિચંદ્રન અશ્વિને એક વિકેટ લીધી. બીજી ઇનિંગમાં પંતની સાથે મયંક અગ્રવાલે પણ શાનદાર બેટિંગ કરી હતી. તેમણે 99 બોલમાં 81 રન કર્યા.