IPLIN
 

નિવેદન / રિયાના પિતાનું દર્દ છલક્યું, કહ્યું Congrats India, આખરે તમે કરી બતાવ્યું અને હવે મારી દીકરી...

Team VTV 02:40 PM, 06 Sep 20
Follow us
Rhea Chakraborty Father Indrajit Chakraborty Statement After Showik Chakraborty Arrest

સુશાંત સિંહ રાજપૂત કેસમાં રિયા ચક્રવર્તી અને તેમના પરિવારની મુશ્કેલી સતત વધી રહી છે. સતત રિયા અને તેના ભાઈ પર શકંજો કસવામાં આવી રહ્યો છે, ભાઈ શોવિકને તો ડ્રગ્સ મામલે ધરપકડ પણ કરવામાં આવી છે અને માનવામાં આવી રહ્યું છે કે રિયાની પણ ધરપકડ થઇ શકે છે ત્યારે રિયાના પિતાએ એક નિવેદન જાહેર કર્યું છે. 

  • રિયાના પિતા જાહેર કર્યું નિવેદન 
  • રિયાના પિતા ટોણો મારતા કહ્યું, આખરે તમે કરી બતાવ્યું 
  • તમે બધાએ એક મિડલ ક્લાસ પરિવારને વેરવિખેર કરી નાખ્યો : રિયાના પિતા 

સુશાંત સિંહ કેસમાં સૌથી વધારે સવાલો ગર્લફ્રેન્ડ રિયા પર જ ઉઠી રહ્યા છે. રિયા પર કેસ દાખલ થયો તે બાદથી જ દિવસેને દિવસે નવા ખુલાસાઓ સામે આવી રહ્યા છે જેમાં ડ્રગ્સ કનેક્શન મુદ્દે તપાસ બાદ NCB એક્શન મોડમાં છે. CBI પણ પોતાની તપાસ કરી રહી છે ત્યારે રિયાના પિતાએ પહેલીવાર મૌન તોડ્યું અને પોતે મિડલ ક્લાસ ફેમિલી છે તેમ કહ્યું. રિયાના પિતા નિવૃત્ત સેના અધિકારી છે. 

પોતાના દીકરાની ધરપકડ થયા બાદ તેમણે કહ્યું કે કોન્ગ્રેટ્સ ઇન્ડિયા, તમે બધાએ મારા દીકરાની ધરપકડ કરી લીધી છે અને મને વિશ્વાસ છે કે હવે મારી દીકરીનો વારો છે. તમે બધાએ એક મિડલ ક્લાસ પરિવારને વેરવિખેર કરી નાખ્યો, પણ ન્યાયના નામે બધું માન્ય છે. જય હિન્દ. 

તપાસની શરૂઆતમાં સામે આવ્યું છે કે રિયા ચક્રવર્તી ડ્રગ્સ ખરીદવા અને વેચવામાં સામેલ હતી. રિયાની વોટ્સએપ ચેટના ઘણા બધા ખુલાસા થયા છે.  

NCBની તપાસ જેમ જેમ આગળ વધી રહી છે તેમ તેમ રિયાની મુશ્કેલી વધતી દેખાઈ રહી છે. શોવિક બાદ રિયા પર એક્શન ચાલુ છે. અને આજે પણ રિયાને પૂછપરછ કરવા માટે બોલાવવામાં આવી હતી. રિયાની ગમે ત્યારે ધરપકડ થઇ શકે છે.  

Sushant Singh Rajput Rhea Chakraborty સુશાંત સિંહ રાજપુત રિયા ચક્રવર્તી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ