જનતા ત્રસ્ત: / છુટક ફુગાવો 18 મહિનાની ઉંચ્ચ સપાટીને પાર કરશે, લોનના હપ્તા હજૂ પણ મોંઘા થશે

• મોંઘવારીએ માઝા મુકી,જનતા બેહાલ
• છૂટક ફુગાવો 18 મહિનાની ઉંચી સપાટી જશે
• લોનના હપ્તા હજૂ પણ વધારે મોંઘા થશે

છૂટક ફુગાવો 18 મહિનાની ઊંચી સપાટીને પાર કરી શકે છે. એપ્રિલ 2022 માટે છૂટક ફુગાવાના ડેટા ગુરુવાર, 12 મે 2022 ના રોજ જાહેર કરવામાં આવશે. જેમાં અનુમાન લગાવવામાં આવી રહ્યું છે કે, ખાદ્ય ચીજવસ્તુઓના ઊંચા ભાવ અને મોંઘા ઈંધણના કારણે છૂટક મોંઘવારી દર 7.50 ટકાના આંકડાને પાર કરી શકે છે. જ્યારે માર્ચ મહિનામાં રિટેલ મોંઘવારી દર 6.95 ટકા હતો. જો આમ થશે તો રિટેલ મોંઘવારી 18 મહિનામાં સૌથી ઉંચી સપાટી હશે. ઉપરાંત, તે RBIના 6 ટકાના ટોલરેંસ લેવલ કરતાં ઘણું વધારે હશે. એપ્રિલમાં નાણાકીય નીતિની જાહેરાત કરતા, આરબીઆઈએ 2022-23માં ફુગાવાનો દર 5.7 ટકા રહેવાનું અનુમાન કર્યું છે.

મોંઘા ઈંધણથી વધી રહી છે મોંઘવારી

રશિયા અને યુક્રેન યુદ્ધના કારણે ક્રૂડ ઓયલના ભાવમાં ઉછાળો જોવા મળ્યો હતો. 22 માર્ચ 2022થી સરકારી તેલ કંપનીઓએ ઈંધણના ભાવ વધારવાનું શરૂ કર્યા બાદ પેટ્રોલ-ડીઝલ 10 રૂપિયા પ્રતિ લિટર મોંઘુ થઈ ચુક્યું છે. મોંઘા ડીઝલનો અર્થ મોંઘુ ટ્રાંસપોર્ટેશન. તેને લઈને કેટલીય વસ્તુઓના ભાવમાં ઉછાળો આવ્યો છે. તો એક એપ્રિલથી ઘરેલૂ નેચલર ગેસના ભાવમાં પણ બેગણો વધારો કરી દેવામાં આવ્યો છે, જેને લઈને પીએનજીથી લઈને સીએનજી મોંઘા થઈ ચુક્યા છે. રશિયા-યુક્રેન યુદ્ધના કારણે તેલથી લઈને કેટલીય વસ્તુઓ મોંઘી થઈ ગઈ છે. 

છુટક મોંઘવારી દરમાં વધારો થતાં લોન મોંઘી થશે

4મેના રોજ આરબીઆઈએ રેપો રેટમાં 40 બેસિસ પોઈન્ટનો વધારાની જાહેરાત કરી હતી. આ ઉપરાંત સેન્ટ્રલ બેંકે કૈશ રિઝર્વ રેશિયો એટલે કે, સીઆરઆરમાં 50 બેસિસ પોઈન્ટનો વધારો કર્યો છે. તેની અસર એ થઈ કે, એક બાદ એક બેંકે હાઉસિંગ ફાઈનાન્સ કંપનીઓએ હોમ લોનથી લઈને બીજા કેટલાય પ્રકારની લોન મોંઘી કરતા જઈ રહ્યા છે, જેના કારણે જૂના ગ્રાહકોને ઈએમઆઈ મોંઘા થતાં જાય છે. એપ્રિલ મહિનામાં છૂટક મોંઘવારી દરનો આંકડો 7.5 ટકાને પાર કરી ગયો હતો, જૂન મહિનામાં દ્વિમાસિક દેવાની નીતિ સમીક્ષા દરમિયાન આરબીઆઈએ લોન મોંઘી કરવાની જાહેરાત કરી હતી. એટલે રેપો રેટ હજૂ પણ વધશે.