ગાંધીનગર મનપાની ચૂંટણીનું આજરોજ પરિણામ જાહેર કરવામાં આવશે. જો કે મનપાની ચૂંટણીનું પરિણામ હાઇકોર્ટમાં સીલબંધ કવરમાં રજૂ કરવામાં આવશે.
ત્યારબાદ હાઇકોર્ટ મનપાની ચૂંટણીનું પરિણામ જાહેર કરશે. ગાંધીનગર મનપાની ચૂંટણીના પરિણામમાં પૂર્વ મેયર પ્રવીણ પટેલના મતને લઇને વિવાદ હતો. ઉલ્લેખનીય છે કે પ્રવીણ પટેલ કોંગ્રેસમાંથી ચૂંટણી ભાજપમાં જોડાયા હતા.
ગાંધીનગર કોર્પોરેશનની ચૂંટણીમાં ટાઈ પડયા બાદ સત્તા કોને મળશે તે એક સવાલ હતો ત્યારે ગાંધીનગર મનપાની સત્તા હાંસલ કરવા માટે ભાજપ અને કોગ્રેસના નેતાઓ એડી ચોટીનું જોર લગાવ્યું હતું.
પોતાના કોર્પોરેટરોને અકબંધ રાખવા બંને પક્ષો પોતાના સભ્યોને ગુજરાત બહાર અજ્ઞાત સ્થળે લઇ ગયા હતા. જો કે ચૂંટાયેલા બંને પક્ષોના સભ્યોને ટાઇ પડવાને કારણે જલસા થઈ ગયા છે.