નિવેદન / હાર્દિક ભાઈને હાર્દિક સલાહ ભાજપમાં જવાનું વિચારતા હોય તો ટાળે: આંદોલન સમયે સાથે રહેનાર નેતાનું નિવેદન

• હાર્દિક પટેલની નારાજગી વચ્ચે મોટા સમાચાર
• હાર્દિક પટેલને NCPમાં જોડાવા હાર્દિક પટેલને આમંત્રણ
• "ભાજપમાં જવાનું વિચારતા હોય તો ટાળે"-રેશ્મા પટેલ

છેલ્લા કેટલાક સમયથી હાર્દિક પટેલ અને કોંગ્રેસના નેતાઓ વચ્ચે ચાલી રહેલા ઘમાસાણની વચ્ચે વધુ એક રાજકીય પાર્ટીના નેતાએ હાર્દિક પટેલને પોતાની રાજકીય પાર્ટીમાં જોડાવવાનું આમંત્રણ આપ્યું છે. 

રેશ્મા પટેલે NCPમાં જોડાવા હાર્દિક પટેલને આમંત્રણ આપ્યું

છેલ્લા સમયથી હાર્દિક પટેલ અને કોંગ્રેસના નેતાઓ વચ્ચે ચાલી રહેલી નારાજગી વચ્ચે NCPના પ્રદેશ મહિલા પ્રમઉખ રેશ્મા પટેલે મોટું હાર્દિક પટેલને NCPમાં જોડાવવાનું આમંત્રણ આપતાં ગુજરાતના રાજકારણમાં પુનઃ ગરમાવો વ્યાપી જવા પામ્યો છે. મહત્વનું  છે કે, રેશ્મા પટેલે જણાવ્યું મારી હાર્દિક ભાઈને હાર્દિક સલાહ છે કે, જો તેઓ ભાજપમાં જવાનું વિચારતાં હોય તો ટાળે, અમે ડૂબકી મારીને બહાર નીકળ્યાં છે. 

હાર્દિક પટેલ છેલ્લા કેટલાક સમયથી કોંગ્રેસના નેતાઓથી નારાજ છે 

ઉલ્લેખનીય છે કે, કોંગ્રેસના કાર્યકારી અધ્યક્ષ અને અગ્રણી પાટીદાર નેતા હાર્દિક પટેલ છેલ્લા કેટલાક સમયથી પક્ષની નેતાગીરીથી નારાજ છે. તાજેતરમાં  હાર્દિક પટેલે મોટું નિવેદન આપતાં જણાવ્યું હતું કે, કોંગ્રેસના નેતાઓમાં નિર્ણય શક્તિનો અભાવ છે. જેને લઈને ગુજરાત રાજકારણમાં ભારે ગરમાવો વ્યાપી ગયો છે. તેમણે વધુમાં જણાવ્યું હતું કે, દિલ્હીમાં હાઈકમાન્ડ સમક્ષ મેં મારી વાત મુકી છે. હાર્દિકે સ્પષ્ટ પણે જણાવ્યું હતું કે, તેઓ ભાજપની નેતાગીરીથી અને તેની સંગઠન શક્તિથી ખૂબ પ્રભાવિત છે.