Reserve Bank of Indiaએ ગ્રાહકોને બેંક ફ્રોડનો શિકાર થતા બચાવવા માટે કેટલીક ખાસ વાતનું ધ્યાન રાખવાની ચેતવણી આપીને સચેત રહેવા કહ્યું છે.
RBIએ આપી ચેતવણી
ફોન પર માંગે આ જાણકારી તો કટ કરી લો ફોન
ન આપશો આ ખાસ જાણકારી
છેલ્લા કેટલાક સમયથી બેંક ફ્રોડના કિસ્સા ઝડપથી વધી રહ્યા છે. એવામાં લોકો જાણકારીના અભાવે કે પછી બેદરકારીના કારણે સ્કેમર્સના સકંજામાં આવી જાય છે. પરિણામે તેમને મોટી કિંમત ચૂકવવાની રહે છે. હાલમાં ફેક કોલના કારણે યૂઝરના બેંક એકાઉન્ટ ખાલી થઈ જવાની ફરિયાદ મળી રહી છે.
Reserve Bank of Indiaએ આપી છે ચેતવણી
Reserve Bank of Indiaએ દેશના જાણીતા પેપરમાં જાહેરાત આપીને ગ્રાહકોને ચેતવણી આપીને તેમને ચેતવ્યા છે. Reserve Bank of Indiaના આધારે થઓડી સતર્કતા રાખીને બેંક ફ્રોડથી પોતાને બચાવી શકાય છે. રિઝર્વ બેંક ઓફ ઈન્ડિયાએ ગ્રાહકોને ટિપ્સ આપી છે કે કેવી રીતે સતર્કતા રાખી શકાશે અને સાથે જાગરૂકતા અભિયાન પણ ચાલુ કર્યું છે. આ અભિયાનની ટેગ લાઈન છે જાણકાર બનો, સતર્ક રહો.
જાણો RBIની એ રીતો વિશે જેને ફોલો કરીને તમે બેંક ફ્રોડથી બચી શકો છો
પર્સનલ જાણકારી શેર ન કરો
રિઝર્વ બેંકનું કહેવું છે કે સાઈબર ફ્રોડને અંજામ આપવાનું કામ ચપટીમાં થઈ જશે. તેને માટે તમારી પર્સનલ જાણકારી જેમ કે કાર્ડ ડિટેલ્સ, બેંક એકાઉન્ટ, પાન કાર્ડ અને આધાર કાર્ડના નંબરને કોઈની સાથે શેર કરવાનું ટાળો. અનેક વાર સ્કેમર્સ તમારા બેંક કર્મચારી બનીને વાત કરે છે અને ગોળ ગોળ વાતોમાં તમને ફસાવે છે. પરિણામે તમારું બેંક એકાઉન્ટ ખાલી થાય છે ત્યારે તમારે માથું પકડવાનો વારો આવે છે. તો રિઝર્વ બેંકની વાત માનો અને ફોન પર કોઈની સાથે પર્સનલ ડિટેલ્સ શેર ન કરો. તમે ફોન કાપી નાંખો તે જ યોગ્ય રહે છે.
KYC ના નામે પણ ફ્રોડ થઈ રહ્યું છે
રિઝર્વ બેંકે કહ્યું છે કે બેંકના KYC ડિટેલ્સને કોઈની સાથે શેર ન કરો. KYC ના નામે પણ ફ્રોડ કેસને પાર પાડી શકાય છે. આ બહાને યૂઝર્સની બેંક ડિટેલ્સ માંગી લેવામાં આવે છે. તો ભૂલથી પણ તમે સામેની વ્યક્તિની વાત માની લેશો તો તમને નુકસાન થઈ શકે છે.
ફોન ડિસકનેક્ટ કરી લો
RBIએ ત્રીજી ટિપ્સમાં કહ્યું છે તે તમારી પાસે કોી એવો ફોન આવે છે જેમાં તમારા ડેબિટ કે ક્રેડિટ કાર્ડની જાણકારી, બેંકના એકાઉન્ટ નંબર કે સીવીવીની જાણકારી આપવાની હોય તો આ સમયે તેને ભૂલથી પણ શેર ન કરો. સમજદારી એમાં છે કે તમે આ પ્રકારના ફોન કટ કરી લો.