સાવધાન / ઓનલાઈન ગેમિંગના ભયંકર પરિણામ: બાળકે પેન્ટમાં સુ સુ કરી દીધું પણ ગેમ રમવાનું ન છોડ્યું, વાલીઓ ચેતજો

• બાળકોને મોબાઈલની લત છોડાવો
• મોબાઈલમાં ઘૂસ્યા રહેતા બાળકોને બચાવો
• તમારૂ બાળક પણ તેનો ભોગ બની શકે છે

બાળકોમાં ઝડપથી વધી રહેલ ઓનલાઈન ગેમિંગનું ચલણ એવી રીતે ભરડો લઈ રહ્યું છે અને તેને ખુલાસો ત્યારે થયો જ્યારે એક બાળકી ચોવિસે કલાક ઓનલાઈન ગેમિંગ એડિક્શનમાં એટલી બધી ખોવાઈ ગઈ કે, તે પેંટમાં જ સુ સુ કરી દેતી હતી અને પોતાના શરીર સંબંધિત જરૂરી કામ પણ કરતી નહીં.

મનોરોગના શિકાર થઈ રહ્યા છે બાળકો

ચોવિસ કલાકના આ ખતરનાક ઓનલાઈન ગેમની લત છોડવવા માટે છોકરીના મા-પિતા તેને એક મનોવૈજ્ઞાનિક પાસે લઈ ગયા. મામલાની ગંભીરતા વિસે વાત કરતા મુંબઈના મનોચિકિત્સક ડોક્ટર સાગર મુંડાડાએ કહ્યું કે, છોકરી ગેમમાં એટલી વ્યસ્ત રહેતી કે, તે ઘણી વાર પેન્ટમાં પેશાબ કરી દેતી, પણ ગેમ વચ્ચેથી રોકી શકતી નહોતી. ત્યાં સુધી કે તેણે ગેમ રમવાના ચક્કરમાં ભણવાનું પણ બંધ કરી દીધું. ક્લાસમાં જવાનું પણ બંધ કરી દીધું. માતા-પિતા પણ તેની ગેમિંગની આદત પર લગામ લગાવી શક્યા નહીં.

ખાવા-પીવાનું પણ ભાન નથી રહેતું

મુંબઈમાં હાલના દિવસોમાં કેટલાય મનોચિકિત્સકો પાસે આના કિશોર આવી રહ્યા છે, જે ઓનલાઈન ગેમિંગની લતની હળવાથી લઈને ગંભીર લક્ષણ દેખાઈ રહ્યા છે. ડોક્ટર મુંડાડાએ કહ્યું કે,  આ લતના કારણે બાળકો રાતે સુતા પણ નથી. જો તેમને ગેમ રમવાથી રોકવામાં આવે તો, ક્યારે ક્યારેક તે હિંસક પણ બની જાય અને મારપીટ પર ઉતરી આવે છે. અમુક બાળકોએ માન્યું કે, તે ગેમ રમવામાં એટલા ખોવાય જાય છે, તેમને ખાવા-પીવાનું પણ ભાન નથી રહેતું. ગેમ રમતી વખતે જ જમી લે છે અને તે દરમિયાન હાથ ધોવાનું પણ યાદ નથી રહેતું.

ભયંકર રીતે કરે છે નુકસાન

તો વળી અન્ય એક ઘટનામાં એક કિશોર બાળકને નાયર હોસ્પિટલમાં ભરતી કરવામાં આવ્યો કારણ કે, તેણે ઓનલાઈન ગેમ રમવાના ચક્કરમાં પોતાને શરીરને જ નુકસાન પહોંચાડી દીધું. ઈજાની સારવાર બાદ તેને મનોરોગ વિભાગમાં સારવાર માટે મોકલવામાં આવ્યો છે.