ભારતીય બજારોમાં રેનો કિગરની એન્ટ્રી થઇ ચૂકી છે, મહત્વનું છે કે ફ્રેન્ચ કંપની રેનોએ તેની આ મચ અવેઈટેડ કારને 5.45 લાખની શરૂઆતી કિંમત પર લોન્ચ કરી દીધી છે.
ભારતીય બજારમાં લોન્ચ થઈ કિગર
5.45 લાખની પ્રારંભિક કિંમતે લોન્ચ થઈ કાર
આ સેગમેન્ટની અન્ય કાર સાથે થશે મજબૂત ટક્કર
ભારતીય બજારોમાં આ કારણો મુકાબલો કરવા માટે આ સેગ્મેન્ટમાં મારુતિ સુઝુકીની વિટારા બ્રેઝા, હ્યૂન્ડાઈ વેન્યુ, ટાટા નેક્સન, મહિન્દ્રા xuv300, કિયા સોનેટ અને નિસાન મૈગનાઇટ જેવી કાર પહેલાથી જ ઉપલબ્ધ છે. મહત્વનું છે કે ઘણા લોકો આ કારની કિંમત જાહેર થવાની રાહ જોઈ રહયા હતા, હવે રેનોએ આ સેગ્મેન્ટમાં સૌથી સસ્તી એસયુવી ઉતારીને આ સેગ્મેન્ટની અન્ય કાર માટે પડકાર ઉભો કરી દીધો છે, આ કારના પ્રારંભિક મોડેલની કિંમત 5.45 લાખ અને ટોપ મોડેલની કિંમત 9.55 લાખ રાખવામાં આવી છે.
એસયુવીની ખાસિયત તેનો લુક હોય છે
કોઈ પણ એસયુવીની મુખ્ય ખાસિયત તેનો શાનદાર લુક હોય છે અને આ બાબતે રેનો કિગરમાં કશું પણ મોળું રાખવામાં નથી આવ્યું, કંપનીએ આ કારના 4 વેરિઅંટ લોન્ચ કર્યા છે, જેમાં RxE, RxL, RxT અને RxZ સામેલ છે. અત્યાર સુધી ભારતમાં સૌથી સસ્તી એસયુવી નિસાનની મેગનાઇટ હતી જેને પહેલા 4.99 લાખની કિંમત પર લોન્ચ કરવામાં આવી હતી પરંતુ પછીથી તેની કિંમત પણ વધારીને 5.49 લાખ રૂપિયા કરી નાખવામાં આવી હતી.
ટર્બો એન્જીન માઈલેજ 20 કિમી પ્રતિ લીટર છે, જ્યારે કે નોર્મલ એવરેજ 18 કિમી પ્રતિ લીટર છે, કિગરમાં 5 સ્પીડ મેન્યુઅલની સાથે જ એએમટી અને સીવીટી ગિયરનો વિકલ્પ આપવામાં આવ્યો છે. આ કારણો લુકે પણ મોડર્ન છે અને કારમાં સ્પ્લિટ એલઈડી હેડલેમ્પ્સની સાથે જ એલઈડી DRLs પણ આપવામાં આવ્યા છે, કિગરને એક ડેશબોર્ડની સાથે લોન્ચ કરવામાં આવે છે, લોન્ચિંગની પહેલા જ આની બુકિંગ શરૂ થઈ ગઈ હતી.
કોમ્પેક્ટ એસયુવી હવે લોકોની પસંદ બનતી જાય છે
કારમાં 8 ઇંચનું ટચસ્ક્રીન ઈન્ફોટેનમેન્ટ સિસ્ટમ આપવામાં આવી છે, ઓટોમેટિક ક્લાઇમેટ કન્ટ્રોલર અને પુશબટન સ્ટાર્ટની સાથે ડિજિટલ ઇન્સ્ટ્રુમેન્ટ કન્સોલ સામેલ છે, ઓછા મેન્ટેનેન્સની સાથે એક ગુણવત્તાયુક્ત ડ્રાઇવિંગ અનુભવના લીધે કોમ્પેક્ટ એસયુવી હવે ઘણા લોકોની પસંદગી બનતી જાય છે.
જ્યાં સુધી એન્જિનની વાત છે જેમાં 1.0 લિટર વાળું નેચરલ એસપાયર્ડ અને ટર્બો પેટ્રોલ એન્જિન આપવામાં આવ્યું છે, જેમઆ 72ps પાવર અને 96 nm ટૉર્ક જનરેટ થશે. જયારે કે ટર્બો એન્જીનમાં 100ps અને 160nmનું ટોર્ક જનરેટ થશે.