મહામારી / મહામારીમાં આવી સૌથી મોટી ખુશખબર : કોરોનાની દવા મળી ગઈ હોવાનો સ્ટડીમાં દાવો

• અમેરિકી કંપની રેઝનેનોરે એન્ટીબોડી બનાવી
• જે કોરોનાની બચાવી શકે છે
• સ્થિતિ ગંભીર થતા પણ અટકાવી શકે છે
• દર્દીઓને કોરોના સામે 81 ટકા રક્ષણ આપી શકે છે 
• કંપનીએ ઈમરજન્સી મંજૂરી માંગી

રેઝનેનોરની આ મિશ્રિત દવા કોરોનાના દર્દીઓની હાલત ગંભીર થતા અટકાવી શકે છે. ક્લિનિકલ ટ્રાયલના પરિણામો ઘણા ઉત્સાજનક હોવાથી કંપનીએ યુએસ ફૂડ એન્ડ ડ્રગ એડમિનિસ્ટ્રેશનની ઈમરજન્સી મંજૂરી માંગી છે. 

કોરોના દર્દીઓની સાથે રહેનાર લોકોને પણ ચેપ ન લાગ્યો 

આ મોનોક્લોનલ એન્ટીબોડી કોકટોલના ક્લિનિકલ ટ્રાયલના પરિણામો સોમવારે જાહેર કરાયા છે. મોનોક્લોનલ એન્ટીબોડી લેબમાં બનેલ એ પ્રોટીન હોય છે જે આપણી રોગપ્રતિકાર શક્તિને વાઈરસની સામે લડવામાં મદદ કરે છે. સ્ટડીના પરિણામો અનુસાર, એન્ટીબોડી ડ્રગ્સે કોરોનાના દર્દીઓની સાથે રહેનાર લોકોને પણ સુરક્ષા પૂરી પાડી હતી. 

રેઝનેરોને 1500 કરતા પણ વધારે લોકો પર ક્લિનિકલ ટ્રાયલ કરી

રેઝનેરોને 1500 કરતા પણ વધારે લોકો પર ક્લિનિકલ ટ્રાયલ કરી. કોરોનાગ્રસ્ત દર્દીઓને જે ઘરમાં રાખવામાં આવ્યાં હતા ત્યાં આ 1500 લોકોને રખાયા હતા અને તેમને આ નવું કોકટેલ આપવામાં આવ્યું. પરિણામો ઉત્સાહજનક મળ્યાં. ઈન્જેક્શન લીધા બાદ આ લોકોને કોરોના સામે લડવામાં 81 ટકા મદદ મળી હતી. 
મેસાચુએટ્સ જનરલ હોસ્પિટલના સંક્રમાક બીમારીઓના ડોક્ટર રાજેશ ગાંધીએ આ સ્ટડીના ડેટાનો આશા જગાવનાર ગણાવ્યા છે. ગાંધી પ્રમાણે, જે લોકોને અત્યાર સુધી વેક્સિન લાગી નથી, તેના માટે આ ઈન્જેક્શન ખુબ કામનું છે. 

રેઝનેરોનની આ કોકટેલ બે દવાઓનું મિશ્રણ છે જે શરીરમાં એન્ટીબોડી પેદા કરે છે 

રેઝનેરોનની આ કોકટેલ બે દવાઓનું મિશ્રણ છે જે શરીરમાં એન્ટીબોડી પેદા કરે છે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ જ્યારે કોરોનાથી બીમાર થયા તો તેમને આ ઇન્જેક્શન આપવામાં આવ્યું હતું. અમેરિકામાં પાછલા વર્ષે નવેમ્બરમાં આ દવાને કોરોનાની સારવાર માટે ઇમરજન્સી ઉપયોગની મંજૂરી મળી હતી પરંતુ તેને તૈયાર કરવામાં લાંબો સમય લાગવા અને તેના ઉપયોગમાં મુશ્કેલીને કારણે તમામ હોસ્પિટલ પ્રાથમિકતાના આધાર પર તેનો ઉપયોગ કરી રહી નથી. આ એક ઇન્ટ્રાવેનસ ઇન્જેક્શન છે એટલે કે તેને સીધું નસોમાં લગાવવામાં આવે છે.