IPLIN
 

લોન્ચ / 5G સપોર્ટ અને બેસ્ટ કેમરાની સાથે લોન્ચ થયો Redmi K30, જબરદસ્ત છે ફીચર્સ

Team VTV 05:53 PM, 10 Dec 19
Follow us
Redmi K30 5G with 64MP quad-camera setup Launched

રેડમી K20 અપગ્રેડ એટલે કે Redmi K30 5G સ્માર્ટફોનને ચીનમાં સત્તાવાર રીતે લોન્ચ કરવામાં આવ્યો છે. શાઓમીની સબ-બ્રાન્ડ રેડમી દ્વારા વધુ ત્રણ પ્રોડક્ટ્સ પણ લોન્ચ કરવામાં આવ્યા છે. જેમાં Redmi K30 5G રાઉટર, RedmiBook 13 લેપટોપ અને Redmi સ્માર્ટ સ્પીકર સામેલ છે. તમને જણાવી દઈએ કે Redmi K20ને ભારતમાં જુલાઈ મહિનામાં લોન્ચ કરવામાં આવ્યો હતો. આ પહેલો એવો સ્માર્ટફોન છે જેમાં સોનીનો 64MP IMX686 સેન્સર આપવામાં આવ્યો છે. આ સિવાય શાઓમીએ Redmi K30 4Gની પણ જાહેરાત કરી છે. જેમા સ્નેપડ્રેગન 730G પ્રોસેસર મળશે.

  • Redmi K30 5Gને હાલ ચીનમાં લોન્ચ કરવામાં આવ્યો છે
  • આ સ્માર્ટફોનમાં સ્નેપડ્રેગન 765G પ્રોસેસર છે
  • ભારતમાં ક્યારે લોન્ચ થશે એ અંગે હાલ કોઈ જાણકારી આપી નથી

Redmi K30 5Gની કિંમત RMB 1,999 (લગભગ 20,000 રૂપિયા) રાખવામાં આવી છે. આ કિંમત 6GB રેમ + 64GB સ્ટોરેજ વેરિઅન્ટ માટે છે. આ સિવાય તેના 6GB + 128GB વેરિઅન્ટની કિંમત RMB 2,299 (લગભગ 23,000 રૂપિયા), 8GB + 128GBની કિંમત RMB 2,599 (લગભગ 26,000 રૂપિયા) અને 8GB + 256GB વેરિઅન્ટની કિંમત RMB 2,899 (લગભગ 29,000 રૂપિયા) રાખવામાં આવી છે. હાલ ભારતમાં Redmi K30ના લોન્ચિંગ અંગે કોઈ જાણકારી આપવામાં આવી નથી. 

Redmi K30 5Gના ફીચર્સ

Redmi K30 5Gમાં 20:9 એસ્પેક્ટ રેશિયો અને 120Hz રિફ્રેશ રેટની સાથે 6.67 ઈન્ચ ડિસ્પ્લે આપવામાં આવ્યો છે. સાથે જ તેમાં કર્વ્ડ એજ અને ડ્યુઅલ હોલ-પંચ ડિઝાઈન પણ છે. આ પેનલ ફુલ-HD+ (1080×2400 પિક્સલ) રિઝોલ્યૂશન પર ઓપરેટ થાય છે. રેડમીના આ નવા ફોનના બેકમાં ફ્રોસ્ટેડ AG ગ્લાસ આપવામાં આવ્યું છે. સાથે જ ફ્રંટ અને બેકમાં પ્રોટેક્શન માટે ગોરિલ્લા ગ્લાસ 5 આપેલું છે. Redmi K30 માં 4,500mAhની બેટરી આપેલી છે. જેમાં 30W ફાસ્ટ ચાર્જિંગ ટેક્નોલોજીનો પણ સપોર્ટ મળશે. કંપનીએ દાવો કર્યો છે કે ફોન 66 મિનિટમાં ફુલ ચાર્જ થઈ જશે. 

આ નવા રેડમી ફોનમાં ક્વોલકોમનું નવું સ્નેપડ્રેગન 765જી પ્રોસેસર છે, તે 5જી સપોર્ટ કરે છે. કંપનીએ સ્નેપડ્રેગન 730જી પ્રોસેસર સાથે રેડમી કે30ના 4જી વેરિઅન્ટની પણ જાહેરાત કરી છે. આ હેન્ડસેટ 6GB/64GB, 8GB/128GB અને 12GB/256GB રેમ/ સ્ટોરેજ વિકલ્પોમાં ઉપલબ્ધ હશે. આ સ્માર્ટફોન, Android 10 આધારિત MIUI 11 પર ચાલે છે.

ફોટોગ્રાફી માટે રેડમી કે30માં રિયર કેમેરા સેટઅપ આપવામાં આવ્યો છે. તેમાં 64 એમપી સોની IMX686 પ્રાયમરી સેન્સર, 8 એમપી સુપર વાઇડ-એંગલ કેમેરા, 5એમપી મેક્રો કેમેરા અને 2 એમપી ડેપ્થ કેમેરા સામેલ છે. તેના 4 જી વેરિઅન્ટમાં પણ આવું જ સેટઅપ મળશે, પરંતુ તેમાં 5 એમપી મેક્રો લેન્સને બદલે, 2 એમપી મેક્રો લેન્સ મળશે. સેલ્ફી માટે અહીં ડ્યુઅલ કેમેરા સેટઅપ આપવામાં આવ્યું છે. તેમાં 20 એમપી પ્રાયમરી કેમેરા અને 2 એમપી ડેપ્થ સેન્સર સામેલ છે. આ ઉપરાંત, સ્માર્ટફોન સાઇડ-માઉન્ટેડ ફિંગરપ્રિન્ટ સેન્સર સાથે આવશે.

Redmi K30 ઉપરાંત, RedmiBook 13ને પણ લોન્ચ કરવામાં આવ્યું છે અને તેની કિંમત 4,199 યુઆન (લગભગ 42,300 રૂપિયા) રાખવામાં આવી છે. જ્યારે રેડમી સ્માર્ટ સ્પીકરની કિંમત 79 યુઆન (લગભગ 790 રૂપિયા) રાખવામાં આવી છે અને Redmi AC2100ની કિંમત 169 યુઆન (લગભગ 1,700 રૂપિયા) રાખવામાં આવી છે.

શાઓમી 64MP Camera Redmi K30 5G Xiaomi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ