તમારા કામનું / રિયલમી, ઓપ્પો અને વનપ્લસ મોબાઈલવાળા ચેતી જાય, ચોરાઈ રહ્યાં છે ડેટા, ફટાફટ ઓફ કરો આ ફિચર

• એન્ડ્રોઈડ સ્માર્ટફોન યૂઝર્સ માટે ચેતવણી
• Oppo, RealMe, OnePlusનાં ફોનમાં આવેલ છે આ ફીચર
• પર્મિશન વગર યૂઝરનો પર્સનલ ડેટા કલેક્ટ કરે છે કંપની

છેલ્લાં કેટલાક દિવસોથી એન્ડ્રોઈડ ફોન સાથે મળનારાં ફીચરને લઈને ઘણી ચર્ચા થઈ રહી છે. માહિતી અનુસાર કેટલીક સ્માર્ટફોન કંપનીઓ યૂઝરનાં એક્સપીરિયન્સને વધુ સારું બનાવવાનાં નામે યૂઝરની પરમિશન વગર તેનો ડેટા કલેક્ટ કરે છે. હાલમાં જ ઈલેક્ટ્રોનિક્સ તેમજ ઈન્ફોર્મેશન ટેકનોલોજી રાજ્યમંત્રી રાજીવ ચંદ્રશેખરે આ મામલામાં તપાસ કરવાની વાત કરી છે. 

આ ત્રણ કંપનીઓનાં સ્માર્ટફોન યૂઝર્સ ચેતજો
અત્રે ઉલ્લેખનીય છે કે Enhanced intelligent servicesનાં ફીચરની મદદથી realme, oppo અને oneplus જેવી ચીની કંપનીઓ દ્વારા યૂઝર ડેટા કલેક્ટ કરવામાં આવે છે.  આ ત્રણેય કંપનીનાં સ્માર્ટફોનમાં Enhanced intelligent serviceનું ફીચર ડિફોલ્ટ રીતે ઈનેબલ રહે છે. આ ફીચરને લઈને કંપનીઓ દાવો કરી રહી છે કે યૂઝર એક્સપેરિયન્સને વધુ સારું કરવા અને ડિવાઈઝ ઓપ્ટિમાઈઝ કરવા માટે કલેક્ટ કરવામાં આવતાં ડેટાનો ઉપયોગ કરવામાં આવે છે.

તમારો ડેટા સિક્યોર કરો
આ ત્રણેય કંપનીનાં ફોન     colorOSનાં કસ્ટમાઈઝ્ડ વર્ઝન પર ચાલે છે અને તેની માલિક કંપની ચીનની દિગ્ગજ ટેક કંપની BBK Electronicsની પાસે છે. ColorOS, RealMeUI અને OxygenOS પર ચાલી રહેલા તમામ લેટેસ્ટ સ્માર્ટફોનમાં ‘Enhanced intelligent service’ ફીચર ડિફોલ્ટ રીતે ઓન હોય છે. જો તમારી પાસે પણ આ ત્રણ કંપનીનાં ફોન હોય તો ખાસ આ ફીચરને બંધ કરી દેજો જેથી તમારો ડેટા સેફ રહે. યૂઝર લોકેશન, કેલેન્ડર, SMS સહિત તમારી પર્સનલ જાણકારી શેર કરવાથી કંપનીને રોકી શકો છો.

આ ફીચરને કઈ રીતે ડિસેબલ કરવું?

• સૌથી પહેલા Settingsમાં જવું.
• ત્યારબાદ Additional Settingsમાં જવું.
• હવે System Services સિલેક્ટ કરવું.
• છેલ્લે Enhanced System Servicesને ઓફ કરી દેવું.
• છેલ્લે ફોનને રીસ્ટાર્ટ કરવું.