ક્રિસમસ નિમિત્તે ભારતીય રિઝર્વ બેંક ઓફ ઈન્ડિયાએ સામાન્ય લોકોને એક મોટી ભેટ આપી છે. આરબીઆઈએ એક એવું કાર્ડ લોન્ચ કર્યું છે જેના દ્વારા તમે 10,000 રૂપિયા સુધીની વસ્તુઓ અને સેવાઓ ખરીદી શકો છો. ચાલો જાણીએ આ કાર્ડ વિશે.
RBIએ ખાતાધારકોની આપી ખાસ સુવિધા
લોન્ચ કર્યો ખરીદી માટેનો કાર્ડ
સામાન્ય લોકોને કામ આવશે આ કાર્ડ
હકીકતમાં, આરબીઆઈએ 'સેમી ક્લોઝ્ડ પ્રીપેડ પેમેન્ટ' પ્રોડક્ટ (PPI) રજૂ કર્યું છે, જે નાના મૂલ્યના ડિજિટલ વ્યવહારોને પ્રોત્સાહન આપવા માટે પેમેન્ટ ગેટવે તરીકે કામ કરે છે. આ ઉપરાંત આ કાર્ડનો ઉપયોગ ઇલેક્ટ્રોનિક સ્વરૂપમાં પણ થઈ શકે છે. આરબીઆઈએ કહ્યું કે, આ PPIમાં પૈસા ભરી શકાય છે.
PPI સેવાનો ઉપયોગ ખરીદી માટે થઈ શકશે
આમાં ફક્ત બેંક ખાતામાંથી પૈસા ભરી શકાશે. કોઈપણ મહિનામાં તેમાં 10,000 રૂપિયાથી વધુ રકમ જમા કરી શકાશે નહીં અને એક નાણાકીય વર્ષમાં આ રકમ 1,20,000 રૂપિયાથી વધુ હોવી જોઈએ નહીં. આ પ્રકારની PPI સેવાનો ઉપયોગ ફક્ત વસ્તુઓ અને સેવાઓની ખરીદીમાં જ થઈ શકે છે. તમે તેમાંથી ફંડ ટ્રાન્સફર કરી શકશો નહીં.
આ કાર્ડ કેવી રીતે મેળવવું
આરબીઆઈના જણાવ્યા અનુસાર આ કાર્ડ બેંક અને નોન-બેંકિંગ યુનિટ્સ દ્વારા આપવામાં આવશે. આનો અર્થ એ થયો કે, બેન્ક હવે ડેબિટ-ક્રેડિટ કાર્ડ ઉપરાંત નવા-યુગના પ્રીપેડ કાર્ડ્સ પણ આપશે. જોકે, તેના બદલે, ગ્રાહકોને કેટલીક મહત્વપૂર્ણ માહિતી આપવી પડશે.આમાં ઓટીપી (વન ટાઇમ પાસવર્ડ)ની સાથે મોબાઇલ નંબર અને ઓળખ પત્ર આપવાનું રહેશે. હાલમાં ત્રણ- ક્લોઝ્ડ સિસ્ટમ, સેમી ક્લોઝ્ડ અને ઓપન PPI છે.