આનંદો / મોદી સરકાર 6 મહિનામાં 6 વખત સસ્તામાં કરશે સોનાનું વેચાણ, જાણો તારીખ

• સસ્તામાં સોનું ખરીદવાની ઉત્તમ તક
• મોદી સરકાર 6 મહિનામાં 6 વખત વેચશે સોનું 

નોંધનીય છે કે, મોદી સરકાર ફરી એકવાર તમને સોનામાં રોકાણ કરવાની તક આપી રહી છે. સરકારે આગામી 6 મહિનામાં 6 વાર સોવરેન ગોલ્ડ બોન્ડ ઇશ્યૂ કરવાનો નિર્ણય લીધો છે. રોકાણકાર એપ્રિલથી સપ્ટેમ્બરની વચ્ચે 6 વાર સોવરેન ગોલ્ડ બોન્ડમાં રોકાણ કરી શકે છે.

એક ગ્રામથી લઇને 4 કિલો સુધી સોનાની કરી શકાય છે ખરીદી 

સોનામાં રોકાણ કરવું એ ફાયદાકારક સાબિત થઈ રહ્યું છે. મોદી સરકાર વર્ષ 2015 થી સોનામાં રોકાણ કરવાની તક આપી રહી છે. આ યોજનામાં કોઇપણ વ્યક્તિ ઓછામાં ઓછું 1 ગ્રામ સોનું ખરીદી શકે છે, જ્યારે વ્યક્તિ માટે સોનાના રોકાણની મર્યાદા 4 કિલો છે. જો કે, રોકાણકારોને પણ ટેક્સમાં છૂટ મળે છે. આ સિવાય યોજના દ્વારા બેંકમાંથી લોન પણ લઈ શકાય છે.

ક્યારે-ક્યારે ખરીદી શકાશે સોનું ?

પ્રથમ સિરિઝમાં આ મહિને 20 એપ્રિલથી 24 એપ્રિલની વચ્ચે ગોલ્ડ બોન્ડમાં રોકાણ કરી શકાશે. બીજી સિરિઝમાં 11 મેથી 15 મે દરમિયાન ગોલ્ડ બોન્ડમાં રોકાણ કરી શકાશે. ત્યારબાદ, 8 જૂનથી 12 જૂનની વચ્ચે ગોલ્ડ બોન્ડમાં રોકાણ કરી શકાશે. આ સાથે જ ચોથી સિરિઝ 6 જુલાઈથી 10 જુલાઇની વચ્ચે રિલીઝ થશે. પાંચમી સિરિઝ માટે, સબ્સ્ક્રિપ્શન 3 ઓગસ્ટથી 7 ઓગસ્ટની વચ્ચે લેવામાં આવશે, અને છઠ્ઠી સિરિઝ માટે સબ્સ્ક્રિપ્શન 31 ઓગસ્ટથી 4 સપ્ટેમ્બર સુધી લેવામાં આવશે.

સોનું ખરીદીને ઘરે નથી રાખવામાં નથી આવતું પરંતુ કરી શકાય છે રોકાણ 

આપને જણાવી દઇએ કે, સોવરિન ગોલ્ડ બોન્ડ યોજના અંતર્ગત, સોનું ખરીદીને ઘરે રાખવામાં આવતું નથી, પરંતુ બોન્ડમાં રોકાણ તરીકે ઉપયોગમાં લેવાય છે. બોન્ડ આધારિત સોનાની કિંમત રિઝર્વ બેંક ઓફ ઇન્ડિયા (RBI) દ્વારા નક્કી કરવામાં આવે છે.

કેવી રીતે ખરીદી શકાય છે સોનું ?

આ બોન્ડ્સ તમે બેંકો સ્ટોક હોન્ડીન્ગ કોર્પોરેશન ઓફ ઇન્ડિયા લિમિટેડ પ્રમાણિત પોસ્ટ ઓફિસ તથા માન્યતા પ્રાપ્ત શેરબજારો- નેશનલ સ્ટોક એક્સચેન્જ તથા બીએસસી દ્વારા મેળવી શકો છો.

આ અંગે નાણામંત્રી અરુણ જેટલીએ ટ્વિટ કરીને રોકાણકારોને જણાવ્યું છે કે જો તમે ઓનલાઇન સપ્લાય કરો છો અને ડિજિટલ પેમેન્ટ કરો છો તો આ બોન્ડ ઉપર તમને રૂ. 50ની છૂટ મળશે. કેન્દ્ર સરકાર પહેલાથી જ ડિજિટલ પેમેન્ટને લઇને કેમ્પન ચલાવી રહી છે. લોકોને ડિજિટલ પેમેન્ટ ઓપ્શન પસંદ કરવાનું કહેવામાં આવે છે. એવાં હવે ગોલ્ડ બોન્ડથી આપનારી છૂટમાં લોકોને ડિજિટલ ફ્રેન્ડલી બનાવવો એક પ્રયત્ન કરવામાં આવી રહ્યો છે કેમકે ડિસ્કાઉન્ટ મળી રહ્યુ છે તો આ માટે ઇન્વેસ્ટર ઓનલાઇન પેમેન્ટ કરવું યોગ્ય રહેશે. 

આ યોજનાની શરૂઆત નવેમ્બર 2015માં થઇ હતી. જેનો ઉદેશ સોનાની માંગ ભૌતિક સ્વરૂપે ઓછી કરીને સોનાની ખરીદી ઓછી કરી તેનો ઉપયોગ બોન્ડ મારફતે ઘરેલુ બચત મારફત નાણાકીય બચત માટે કરવાનો હતો. ઘરમાં સોનુ ખરીદી રાખવાને બદલે જો તમે 'સોવરેન ગોલ્ડ બોન્ડ' માં રોકાણ કરશો તો તમને ટેક્સમાંથી પણ બચત કરી શકો.