ક્રિકેટ / હવે કોહલીથી વધારે હશે રવિ શાસ્ત્રીની સેલેરી! મળશે આટલા કરોડ રૂપિયા

ટીમ ઇન્ડિયાના મુખ્ય કોચ તરીકે રવિ શાસ્ત્રીની સેલેરીમાં વધારો થવાનો છે. 

કોન્ટ્રાક્ટના નવીનીકરણ બાદ 57 વર્ષના રવિ શાસ્ત્રીને વર્ષના લગભગ 10 કરોડ રૂપિયા મળી શકે છે. 

ત્યારબાદ રવિ શાસ્ત્રીની સેલેરી વિરાટ કોહલી, રોહિત શર્મા અને જસપ્રીત બુમરાહથી પણ વધારે થઇ જશે. આ ત્રણેયને બીસીસીઆઇથી દર વર્ષે ક્રિકેટ રમવા માટે 7 કરોડ રૂપિયા મળે છે.

બીસીસીઆઇના હાલના કોન્ટ્રાક્ટ લિસ્ટમાં વિરાટ કોહલી, રોહિત શર્મા અને જસપ્રીત બુમરાહ A+ ખેલાડી છે, જેની વર્ષની સેલેરી 7 કરોડ રૂપિયા છે. 

એવામાં હેડ કોચની સેલેરી મેદાન પર રમતા ક્રિકેટર્સથી વધારે હેરાન કરી દે એવું છે. 

ભારતીય ક્રિકેટ કંટ્રોલ બોર્ડના સૂત્રો અનુસાર મુખ્ય કોચના CTCમાં 20 ટકાનો વધારો થશે. જેનાથી એમનું વર્ષનું પેકેજ વર્ષનું લગભગ 9.5થી 10 કરોડ રૂપિયા સુધી પહોંચી શકે છે. આ પહેલા એમને વર્ષના લગભગ 8 કરોડ રૂપિયા મળતા હતા. 

ગત મહિને શાસ્ત્રીને 26 મહિના માટે એક્સટેન્શન આપવામાં આવ્યું હતું. ભારત 2021 ટી-20 વર્લ્ડકપની મેજબાની કરનાર છે અને શાસ્ત્રી ત્યાં સુધી ટીમ ઇન્ડિયાના હેડ કોચ તરીકે રહેશે. 

શાસ્ત્રીને કપિલ દેવની અંતરિમ ક્રિકેટ સલાહકાર સમિતિ (Interim Cricket Advisory Committee) એ ફરીથી ટીમ ઇન્ડિયાના કોચ તરીકે પસંદ કર્યા છે. આ સમિતિમાં અંશુમન ગાયકવાડ અને શાંતા રંગાસ્વામી સામેલ રહે. 

નોંધનીય છે કે વર્લ્ડકપ 2019ની સેમીફાઇનલમાં ટીમ ઇન્ડિયાની હાર બાદ લાગ્યું હતું કે રવિ શાસ્ત્રીનું રોચ પદ પર ફરીથી પસંદ કરવું મુશ્કેલ છે, પરંતુ લાંબી કવાયત બાદ ફરીથી એમના નામ પર ક્રિકેટ સલાહકાર સમિતિએ મોહર લગાવી દીધી હતી. 

ભારતીય ટીમના અન્ય સપોર્ટિંગ સ્ટાફના પગારમાં પણ વૃદ્ધિ થશે. બોલર કોચ ભરત અરૂણ અને ફીલ્ડિંગ કોચ આર. શ્રીધરને વર્ષના લગભગ 3.5 કરોડ રૂપિયા મળે એવી આશા છે. 

કોચિંગ સ્ટાફમાં સામેલ થયેલા વિક્રમ રાઠોડને બેટિંગ કોચ તરીકે વર્ષના 2.5 થી 3 કરોડ રૂપિયા મળી શકે છે. કોન્ટ્રાક્ટ આ વર્ષે સપ્ટેમ્બરમાં લાગૂ થશે.