હડકંપ! / ઉંદરોમાં કોરોના ફેલાતા વૈજ્ઞાનિકોને યાદ આવી ગયું 'બ્લેક ડેથ', યુરોપમાં મચી ગઈ હતી તબાહી

• ઉંદરોમાં ફેલાઈ રહ્યો છે કોરોના વાયરસ
• ન્યૂયોર્કમાં ઉંદરો 3 વેરિયેન્ટથી થઈ શકે છે સંક્રમિત 
• ઉંદરોમાંથી માણસોમાં ફેલાઈ શકે છે આ વાયરસ

અમેરિકામાં ન્યૂયોર્ક શહેરનાં ઉંદરોમાં પણ હવે કોરોના વાયરસ ફેલાવા લાગ્યો છે. હાલમાં જ થયેલી એક સ્ટડીમાં આ ખુલાસો કરવામાં આવ્યો છે. ન્યૂયોર્ક સિટીમાં આશરે 80 લાખ ઉંદરો હોવાનું અનુમાન છે અને એમબાયો- અમેરિકન ફોર માઈક્રોબાયોલોજીએ એક ઓપન એક્સેસ જર્નલમાં જાહેર થયેલ સ્ટડીમાં કહ્યું છે કે ન્યૂયોર્કનાં ઉંદરો ત્રણ કોવીડ વેરિયન્ટથી સંક્રમિત થઈ શકે છે. 

બ્લેક ડેથની યાદો તાજા કરાવી
સ્ટડીમાં કહેવામાં આવ્યું હતું કે આ સંક્રમિત ઉંદરો મનુષ્યનાં સંપર્કમાં આવવાની શક્યતા ઘણી વધારે છે. આ સાથે જ ચેતવણી આપવામાં આવી છે કે આ બ્લેક ડેથની યાદો તાજા કરી શકે છે. આ વાયરસ ઉંદરો થકી માણસોમાં ફેલાયો હતો અને વર્ષ 1347થી 1351ની વચ્ચે યુરોપમાં ભારી તબાહી ફેલાઈ હતી.

માણસોમાં ફેલાવાની આશંકા દુર્લભ- ડો. હેનરી
જો કે રોગ નિયંત્રણ અને નિવારણ કેન્દ્રએ સ્પષ્ટ કર્યું છે કે કોરોના વાયરસ પ્રાણીઓમાંથી માણસોમાં ફેલાવાની આશંકા ઘણી દુર્લભ છે. અધ્યયનનાં પ્રધાન તપાસકર્તા ડો. હેનરી વાને કહ્યું કે આ નવી સ્ટડી કોઈપણ નિષ્કર્ષ પર પહોંચે તે પહેલા તેની તપાસ કરવા પર ભાર મૂકવો જોઈએ. મિસોરી વિશ્વવિદ્યાલયમાં સેંટર ફોર ઈન્ફ્લુએન્જા એન્ડ ઈમર્જિંગ ઈંફેક્શિયસ ડિઝીઝનાં નિર્દેશ ડો. હેનરી વાને કહ્યું કે ઉંદરોની આબાદીમાં વાયરસનો ખતરો એ નિર્ધારિત કરવા માટે છે કે શું વાયરસ પ્રાણીઓમાં ફેલાઈ રહ્યો છે અને નવો સ્ટ્રેઈન વિકસિત થઈ રહ્યો છે જે માણસો માટે મુશ્કેલીજનક બની શકે છે.