દૂષ્કર્મ / અમદાવાદમાં પાડોશીએ જ 7 વર્ષની બાળકીની હત્યા કરી હોવાનો ચોંકાવનારો ખુલાસો

• અમદાવાદમાં 7 વર્ષની બાળકીની હત્યાનો મામલો
• ક્રાઈમબ્રાંચે માતા અને પડોશીની કરી ધરપકડ
• પડોશમાં રહેતા ભીખા નામના શખ્સની ધરપકડ

અમદાવાદ ક્રાઈમબ્રાન્ચ દ્વારા 7 વર્ષની ખુશીની હત્યાને મામલે તેના જ પાડોશીની ધરપકડ કરવામાં આવી છે. પાડોશી ભીખાએ જ દુષ્કર્મ ગુજારીને બાળકીની હત્યા કરી દીધી હોવાનો પોલીસે ખુલાસો કર્યો છે. 

બાળકીનો મૃતદેહ નિર્વસ્ત્ર હાલતમાં મળી આવ્યો હતો. અને બાળકી ભીખાને મામા કહીને બોલાવતી હતી. તેમ છતાં તેની સાથે આવો જઘન્ય અપરાધ થયો હોવાને કારણે પ્રશ્નો ઉઠી રહ્યા છે કે શું ખરેખર ગુજેરાત બાળકીઓ માટે સલામત છે? 

દુષ્કર્મમાં ગુજરાત 4 નંબરે

ગુજરાતમાં વર્ષ 2016થી 2018 એમ ત્રણ વર્ષના સમય ગાળામાં બાળકીઓ પર દુષ્કર્મની 3743 ઘટનાઓ બની છે, પોક્સો કાયદા હેઠળની દુષ્કર્મની ઘટનાઓ સતત વધી રહી છે, વર્ષ 2016માં 1054, વર્ષ 2017 માં વધીને 1233 તો વર્ષ 2018માં વધીને 1456 ઘટનાઓ પોલીસ ચોપડે નોંધાઈ છે.

2018માં બાળકીઓ પર દુષ્કર્મની દેશમાં કુલ 21,605 ઘટનાઓ

ગુજરાતમાં વર્ષ 2018માં રોજ ચાર બાળકી પીંખાઈ છે તેમ કેન્દ્રના ગૃહ મંત્રાલયના લેટેસ્ટ રિપોર્ટમાં જણાવાયું છે. બાળકીઓ સાથે દુષ્કર્મની ઘટનાઓ બાદ કાયદામાં કડક જોગવાઈ પછીયે ઘટનાઓનું પ્રમાણ વધી રહ્યું છે, જે ચિંતાનો વિષય છે. વર્ષ 2018માં બાળકીઓ પર દુષ્કર્મની દેશમાં કુલ 21,605 ઘટનાઓ બની છે. ગુજરાત દુષ્કર્મની ઘટનામાં 4 નંબર પર છે. 

કયા રાજ્યમાં કેટલી દુર્ઘટનાઓ?

• મહારાષ્ટ્રમાં 2832 
• ઉત્તર પ્રદેશમાં 2023
• કર્ણાટકમાં 1457
• ગુજરાતમાં 1456
•  ઓડિસામાં 1427
• પશ્ચિમ બંગાળમાં 1378
• છત્તીસગઢમાં 1214
• તેલંગાણામાં 1140
•  હરિયાણામાં 1068
• મધ્યપ્રદેશમાં 1047