OMG!! પ્રભાસની ફિલ્મને BOX OFFICE પર પછાડીને બાહુબલી બની ગયો રણબીર કપૂર

રણબીર કપૂર સ્ટારર ફિલ્મ 'સંજૂ'એ ઘરેલૂ બોક્સઑફિસ પર કમાણીના નવા રેકોર્ડ બનાવી દીધા છે. પરંતુ ઑસ્ટ્રેલિયામાં આ ફિલ્મે એક અશક્ય લાગતો રેકોર્ડ તોડી દીધો છે અહીં ‘સંજુ’એ રાજામૌલીની પ્રભાસ સ્ટારર ‘બાહુબલી 2’ને પાછળ છોડી દીધી છે.

ફિલ્મ ટ્રેડ દ્વારા મળી રહેલા રિપોર્ટ અનુસાર સંજુએ ઑસ્ટ્રેલિયામાં ‘બાહુબલી 2’ના લાઈફ ટાઈમ કલેક્શનથી વધુ કમાણી કરી લીધી છે અને આ ઑસ્ટ્રેલિયા ત્રીજી સૌથી સફળ ફિલ્મ બની ગઈ છે. ઑસ્ટ્રેલિયન બૉક્સ ઑફિસ પર ફિલ્મ અત્યાર સુધી 24.09 ડૉલર એટલે કે 12.21 કરોડ રૂપિયા કમાઈ ચૂકી છે. જ્યારે ‘બાહુબલી 2’એ અહીં 12.20 કરોડની કમાણી કરી હતી. ઑસ્ટ્રેલિયામાં રિલીઝ થયેલી ટૉપ 5 હિંદી ફિલ્મોની જો વાત કરવામાં આવે તો 'સંજૂ' અને 'બાહુબલી 2' બીજા અને ત્રીજા સ્થાન પર આવી ગઇ છે.

આ વર્ષે આવેલી દીપિકા અને રણવીર સિંહ સ્ટારર ફિલ્મ ‘પદ્માવત’એ 31.63 લાખ ડૉલર એટલે કે 16.03 કરોડ રૂપિયાની કમાણી કરી છે. બીજા સ્થાને આમિર ખાનની ‘દંગલ’ છે જેણે 13.30 કરોડ રૂપિયાનું કલેક્શન કર્યું હતું. પાંચમા સ્થાને પણ આમિરની જ ફિલ્મ ‘પીકે’ છે જેણે 10.70 કરોડની કમાણી કરી હતી.

જણાવી દઈએ કે ભારતીય બૉક્સ ઑફિસ પર ‘સંજુ’ આમિર ખાનની ‘પીકે’ને પછાડી બીજી સૌથી સફળ ફિલ્મ બની ગઈ છે. રિલીઝના પાંચ વીક પૂરા કરી ચૂકેલી ‘સંજુ’ 341 કરોડથી વધુની કમાણી કરી ચૂકી છે.

જો તેલુગુ સિનેમાની હિન્દી ડબ્ડ ‘બાહુબલી 2’ને છોડી દઈએ તો તો સંજુ 300 કરોડની ક્લબમાં પહોંચનારી સાતમી હિન્દી ફિલ્મ બની ગઈ છે અને હવે તે આ યાદીમાં બીજા સ્થાને પહોંચી ગઈ છે .