કાર્યવાહી / રાજકોટ: પૂછપરછ કરવા આવેલ પોલીસને પરિવારે ઘરમાં પૂરી ખંખેરી, પોલીસે પણ પછી...

• રાજકોટમાં પોલીસ-સોની પરિવાર વચ્ચે બબાલનો મામલો
• સમગ્ર મામલે આખરે પોલીસ ફરિયાદ નોંધાઈ
• ફરજમાં રુકાવટ, હુમલા સહિતની કલમ ઉમેરાઈ

રાજકોટમાં પોલીસ અને સોની પરિવાર વચ્ચે ધીંગાણુ થઈ ગયુ હતુ. 1.13 કરોડની ઠગાઈનો મામલે તપાસ માટે પહોંચેલી પોલીસને સોની પરિવારે પ્રેમથી ડેલીમાં બોલાવી બંધ બનાવીને ખંચેર્યો હતો સામે પોલીસે પણ 2 કલાક બાદ અન્ય પોલીસકર્મીઓએ પરિવાર પર તુટી પડ્યા હતી. સોની પરિવાર અને પોલીસ વચ્ચેની મારામારીના દ્રશ્યો કોઈ એક્શન ફિલ્મથી કમ નહોતો આવો જાણીએ કે શું છે મામલો?

રાજકોટમાં પોલીસ-સોની પરિવાર વચ્ચે બબાલનો મામલે આખરે પોલીસ ફરિયાદ થઈ છે અને પોલીસને ફરજમાં ખલેલે અને હૂમલા સહિતની કલમ ઉમેરવામાં આવી છે અને 8 મહિલાઓ સહિત 20 સામે ગુનો નોંધી તપાસ હાથ ધરવામાં આવી છે. 

શું છે મામલો? 

પ્રહલાદ પ્લોટ વિસ્તારમાં ગઈકાલે બબાલ થઈ હતી જેમાં PSI અને કોન્સ્ટેબલ પૂછપરછ કરવા પહોંચ્યા હતા. PSI અને કોન્સ્ટેબલને પરિવાર રૂમમાં બંધ કરી દીધો હતો. પ્રહલાદ પ્લોટમાં રહેતા સોની વેપારી ધર્મેશ બારભાયા સામે મુનીરા નામની મહિલાએ 1.13 કરોડની છેતરપિંડીની ક્રાઇમ બ્રાંચમાં અરજી કરી હતી. 

અરજી થતાં જ ધર્મેશે કોર્ટમાંથી આગોતરા જામીન મેળવી લીધા હતા, જોકે નિયમ મુજબ તે જવાબ માટે પોલીસ સમક્ષ હાજર થતો નહોતો, સોમવારે બપોરે ક્રાઇમ બ્રાંચના પીએસઆઇ સાખરા અને કોન્સ્ટેબલ મહેશ મંઢ ધર્મેશની શોધમાં તેના ઘરે પહોંચ્યા હતા, પોલીસ ઘરમાં જતાં જ બારભાયા પરિવારના સભ્યોએ મકાનની ડેલી બંધ કરી દીધી હતી. બંને પોલીસ પાસેથી બે મોબાઇલ પણ ઝૂંટવી લઇ સ્વિચઓફ કરી દીધા હતા.

2 કલાક ગોંધી રાખ્યા

બે કલાક સુધી ગોંધી રાખ્યા બાદ આ અંગેની જાણ થતાં ક્રાઇમ બ્રાંચના પીઆઇ ગઢવી અને એ.ડિવિઝન પીઆઇ જોષી સહિતનો કાફલો ત્યાં પહોંચ્યો હતો અને ગોંધી રખાયેલા પોલીસ કર્મીઓને મુક્ત કરાવી બારભાયા પરિવારના સભ્યોની ધોલાઇ શરૂ કરી હતી. પોલીસે તમામ મર્યાદા ઓળંગી મહિલાઓની મારકૂટ કરતા દેકારો મચી ગયો હતો અને 8 મહિલા સહિત 20ની ટીંગાટોળી કરી તમામને પોલીસ સ્ટેશને લઇ જવામાં આવ્યા હતા.

કલાકો સુધી પોલીસ સ્ટેશને ટોળાં એકઠા થયા હતા. પોલીસે પણ ઘણો વિચાર વિમર્શ કર્યો હતો બાદમાં મોડીરાત્રે 8 મહિલા સહિત 20 વ્યક્તિ સામે ગુનો નોંધી તમામની અટકાયત પણ કરી લીધી હતી.