જબરી કરી / સાહેબ ક્યાં ગાયબ હતા, રાજકોટ ગ્રામ્યના MLA લાખા સાગઠિયાને ગ્રામજનોએ એવા હાંક્યા કે વીડિયો થયો વાયરલ

• રાજકોટ ગ્રામ્યના ધારાસભ્ય બન્યા લોકોના રોષનો ભોગ
• ધારાસભ્ય લાખા સાગઠિયા સામે લોકોનો રોષ
• સહાય,પાણી સહિતના મુદ્દે ગ્રામજનોએ ધારાસભ્યનો લીધો ઊધડો 

ગુજરાતમાં આજે સૌરાષ્ટ્રમાં ભારે વરસાદ જોવા પડ્યો. જેમા ખાસ કરીને જામનગર અને રાજકોટમાં જળબંબાકાર જેવી સ્થિતી સર્જાઈ હતી. ગત 12 અને 13 સપ્ટેમ્બરે ખાબકેલા વરસાદ બાદ જામનગર અને રાજકોટમાં ચારેયકોર વિનાશના દ્રશ્યો હતા, લોકોને તારાજીમાંથી ઉગારવા સરકાર પર એડીચોટીનું જોર લગાવી રહી હતી. પણ ચૂંટણી ટાણે મસમોટા વાયદા કરતાં ધારાસભ્ય ગાયબ રહેતા રાજકોટના ગ્રામવાસીઓના હાથે ચડયા હતા. ધારાસભ્ય લાખા સાગઠિયા પૂર તારાજીના એક અઠવાડિયા બાદ મુલાકાતે નીકળતા ગ્રામજનોએ આકારો પ્રશ્ન કર્યો હતો કે અત્યાર સુધી કયા ગાયબ હતા?

ધારાસભ્ય લાખા સાગઠિયાનો નોંધણચોરાના ગ્રામજનોએ કર્યો વિરોધ
ગુજરાતની પ્રજા ભોળી છે ચૂંટણી ટાણે ફોસલાવીને વોટ લઈ લેશું, એવું માનતા નેતાઓ આ સ્થિતિનો સામનો કરવા તૈયાર રહે. રાજકોટના અંતરિયાળ ગામના લોકોએ ધારાસભ્યને બરાબરની સંભળાવી હતી. વાત એમ હતી કે રાજકોટમાં વરસાદે વેરેલા વિનાશ બાદ એક સપ્તાહ પછી રાજકોટ ગ્રામ્યના ધારાસભ્ય લાખા સાગઠિયા લોકોની મુલાકાત લેવા નીકળ્યા હતા. તેમણે એમ હશે કે પ્રજા ભોળી છે કાઈ નહીં સમજે, પણ જ્યારે નોંધણચોરા ગામે લોકોની સ્થિતિ જોવા ધારાસભ્ય પહોંચ્યા એવા તરત જ ગામલોકોએ તેમણે ઘેરી લીધા હતા. ધારાસભ્યના વિરોધમાં ખાસ કરીને મહિલાઓ હતી. ગ્રામજનોએ સવાલ કર્યો હતો કે જ્યારે જરૂર હતી ત્યારે કયા ગાયબ હતા. છેક આ અઠવાડિયા પછી હવે આવો છો. જણાવી દઈએ કે આ ગામમાં વરસાદી આફતને કારણે ગ્રામજનોને મોટી તકલીફ વેઠવાનો વારો આવ્યો હતો. ગ્રામજનોને આશ હતી કે નેતાજી આવશે અને મદદ કરશે, પણ નેતાજી આવવા એક અઠવાડિયુ મોડા પડ્યા અને ગ્રામજનોના રોષનો ભોગ બન્યા. સહાય,પાણી સહિતના મુદ્દે ગ્રામજનોએ ધારાસભ્યનો ઊધડો લીધો હતો.

ચૂંટણી ટાણે જ દેખાતા નેતાઓ સબખ લે
ગુજરાતના ઘણા નેતાઓ એવા છે જે હરહમેશ લોકોની તકલીફમાં પડખે ઊભા રહે છે પણ કહેવત છે ને કે ગામ હોય ત્યાં ઉકારડા પણ હોય આમ જ ગણ્યા ગાંઠ્યા એવા નેતા પણ હોય છે જે ચૂંટણી ટાણે ભોળી પ્રજાને ભોળવવા નીકળી પડે છે. જીતવા મોટા મોટા વાયદા કરતાં હોય છે લોકો તેમણે જીતાડી પણ દેતા હોય છે એમ સમજીને કે લ્યો ને તકલીફમાં કામ આવશે પણ જ્યારે સાચી આફત આવે અને એ નેતા પ્રજા વચ્ચે નહીં પણ ઘરમાં બેસી રહે અને આફત ટાળવાની રાહ જોઈ સાંત્વના આપવા બહાર નીકળે ત્યારે ભોળી પ્રજા હોશિયાર બની જાય છે અને નેતાજીને પ્રજા રોષનો સામનો કરવાનો સમય આવે છે. નોંધણચોરાના ગ્રામજનો નેતાઓને એક વાતની સબક શીખવાડે છે કે જરૂર પડ્યે તે  નેતાનો સાથ અને હાથ પકડવા તૈયાર છે પણ જ્યારે ગામ આફતમાં હોય એટલે કે લોકો કાઈ પણ મુશ્કેલીમાં હોય ત્યારે ફરજ ભૂલી ગયેલા નેતાઓને ફરજ યાદ  કરાવતા પણ શીખી ગયા છે.