રાજકોટ / 'દર્દીઓ મરવા માટે જ આવે છે, મરી જવાનું': સિવિલ ડૉક્ટરનો દાદાગીરીનો વીડિયો વાયરલ

આ વીડિયોમાં દર્દીઓ સાથે ડૉક્ટર અભદ્ર ભાષાનો ઉપયોગ કરતો જોવા મળી રહ્યો છે. દર્દી દ્વારા સારવાર માટે કહેવામાં આવતા ધર્મેન્દ્રસિંહ ભડક્યો હતો. આ ઉપરાંત આ ડૉક્ટરે દર્દીને 15 દિવસ આરામ કરવાની પણ સૂચના આપી હતી. સાથે જ કહ્યુ કે, મોત પણ થઈ શકે છે.

મહત્વનુ છે કે, દર્દીઓ દવા લેવા માટે હોસ્પિટલમાં જતા હોય છે. ત્યારે ડૉક્ટરો દ્વારા દર્દીઓ સાથે આ પ્રકારનુ વર્તન કરવામાં આવે છે. આ ઘટના બાદ રાજકોટના સિવિલ હોસ્પિટલના ડૉક્ટર પર અનેક સવાલ ઉઠી રહ્યા છે. તેઓ પોતાની જવાબદારીથી છટકવાનો પ્રયાસ કરે છે. ત્યારે એક દર્દીએ ડૉક્ટરની દાદાગીરીનો વીડિયો ઉતારીને વાયરલ કર્યો છે.

VTVના ગંભીર સવાલ:

• સિવિલના ડોક્ટર કેમ ભૂલ્યા ભાન?
• દર્દી સાથે આવું વર્તન કેમ?
• શું બધા દર્દી સાથે આવું વર્તન થતું હશે?
• રાજકોટની સરકારી હોસ્પિટલમાં લાલિયાવાડી ચાલે છે ?
• કેમ દર્દીને કહ્યાં અપશબ્દો ?
• ડોકટરની ગરિમા લજવનારા સામે શું કાર્યવાહી થશે ?
• ડોક્ટર આવું વર્તન કરશે તો દર્દી ક્યા જશે?
• શું સિવિલ હોસ્પિટલમાં આવા ડોક્ટરની થાય છે ભરતી?
• ભાન ભૂલનારા આ ડોક્ટર સામે શું પગલા લેવાશે?
• ડોક્ટર ધર્મેન્દ્રસિંહ ગોહિલને કોણ છાવરી રહ્યું છે?
• ડોક્ટર ધર્મેન્દ્રસિંહ ગોહિલને કોનો પાવર છે?

VTVના અહેવાલની અસર:

આ મામલે વીટીવી દ્વારા અહેવાલ રજૂ કરવામાં આવ્યો ત્યારે વીડિયોને લઈને સિવિલ હોસ્પિટલના ડીન ડૉક્ટપ ગૌરી ધ્રવે પ્રતિક્રિયા આપી કે, વીટીવીના માધ્યમથી વીડિયો ધ્યાનમાં આવ્યો છે. આ વીડિયો જોયા બાદ યોગ્ય કાર્યવાહી કરવામાં આવશે અને ડોક્ટર સામે તપાસ સમિતિ દ્વારા તપાસ કરીને કાર્યવાહી કરવામાં આવશે.

આ વીડિયોમાં ડૉક્ટર રજા પર હોવાનુ કહી રહ્યો છે, આ મામલે ડીને જણાવ્યુ છે કે, ડોક્ટર રજા પર હોય તેવો કોઈ રિપોર્ટ હજી સુધી સામે આવ્યો નથી. આ ઘટનાને કોઈ હિસાબે સ્વીકારવામાં નહી આવે. ડૉક્ટર સામે ડીને તપાસ કરવાના આદેશ આપ્યા છે.