IPL 2020 / રાજસ્થાન રોયલ્સે ચેન્નઇ સુપર કિંગ્સને 7 વિકેટથી હરાવ્યું, મહેન્દ્રસિંહ ધોનીની 200મી IPL મેચ ન બની યાદગાર

• ધોનીની ટીમ ચેન્નઇને રાજસ્થાને હરાવી
• હવે પ્લેઑફની રાહ મુશ્કેલ
• ધોનીની 200મી આઇપીએલ મેચ હતી

આઇપીએલની 13મી સીઝનની 37મી મેચમાં સોમવારે આબુધાબીમાં રાજસ્થાન રૉયલ્સે જીત મેળવી છે. તેમણે  ચેન્નઇ સુપર કિંગ્સને 7 વિકેટથી હરાવ્યું છે. રાજસ્થાને 17.3 ઓવરમાં 126/3 રન બનાવ્યા અને જીત મેળવી લીધી. આ હારથી ચેન્નઇની આશાઓને મોટો ઝટકો લાગ્યો છે. તેમની પ્લે ઑફની રાહ હવે ખુબ જ મુશ્કેલ બની ગઇ છે. મહેન્દ્રસિંહ ધોની પોતાના રેકૉર્ડ 200માં આઇપીએલ મેચને યાદગાર ન બનાવી શક્યા. ત્યારે, રાજસ્થાનના કેપ્ટન સ્ટીવ સ્મિથે ગેમ ચેન્જર જોસ બલ્ટર(અણનમ 70 રન, 48 બોલમાં)ની સાથે કરો યા મરો વાળી મેચમાં જીતનો જશ્ન મનાવ્યો.

Match 37. It's all over! Rajasthan Royals won by 7 wickets https://t.co/St5iaCvwkh #CSKvRR #Dream11IPL #IPL2020

— IndianPremierLeague (@IPL) October 19, 2020

આ જીત સાથે જ રાજસ્થાનની ટીમ 8 પોઇન્ટ સાથે 5માં સ્થાને પહોંચી ગઇ છે. તેમની પ્લે ઓફ આશા હજુ પણ જીવતી છે. રૉયલ્સની 10 મેચોમાં આ ચોથી જીત રહી. આ સીઝનમાં રાજસ્થાને ચેન્નઇને ગત મેચમાં પણ હરાવ્યું હતું. ચેન્નઇની 10 મેચોમાં આ 7મી હાર રહી. તેઓ હવે સૌથી નીચે 8માં પોઇન્ટ પર છે.

ચેન્નઇ સુપર કિંગ્સનું શું થશે?

ચેન્નઇની ટીમ અત્યાર સુધી આઇપીએલમાં જ્યારે પણ રમાઇ છે, પ્લે ઑફ સુધી જરૂર પહોંચશે. તેઓ ત્રણ વખત જીત્યા અને છ વખત રનર અપ છે, પરંતુ આ વખતે તેમની 10 મેચોમાં માત્ર 6 પોઇન્ટ છે અને આગામી ચાર મેચોમાં જીત પર પણ તેમની પ્લે ઑફમાં પહોંચવાની સંભાવના જો-તો પર ટકેલી છે.