અમદાવાદ / ગંભીર હાલતમાં દર્દીને તાત્કાલિક રાજસ્થાન હોસ્પિટલ લઇ ગયા, પરંતુ 40 મિનિટ સુધી ગેટ ન ખોલ્યો, દર્દીનું મોત

• દર્દીની તબિયત વધુ બગડતા રાજસ્થાન હોસ્પિટલમાં કર્યો હતો શિફ્ટ
• શિફ્ટ કરતા અગાઉ રાજસ્થાન હોસ્પિટલમાં કરી હતી વાતચીત
• દર્દી રાજસ્થાન હોસ્પિટલમાં પહોંચ્યા ત્યારે એડમિટ ન કરાયા

અમદાવાદની ખાનગી હોસ્પિટલનો અમાનવીય ચહેરો સામે આવ્યો છે. છેલ્લા 10 દિવસથી લાઈફકેરમાં સારવાર લઇ રહેલા દર્દીની તબિયત વધુ લથડતા તેને રાજસ્થાન હોસ્પિટલમાં ખસેડવામાં આવ્યો હતો. અહીં લાવતા પહેલા હોસ્પિટલમાં વાતચીત પણ કરી હતી. તેમ છતા પણ રાજસ્થાન હોસ્પિટલમાં દર્દીને એડમિટ ન કરાયા જેથી દર્દીઓ એમ્બ્યુલન્સમાં જ દમ તોડ્યો હતો. હોસ્પિટલ દ્વારા 40 મિનિટ સુધી ગેટ ખોલવામાં આવ્યો ન હતો.

અમદાવાદની રાજસ્થાન હોસ્પિટલની ઘોર બેદરકારી, દર્દીને દાખલ કરવાનો ઈન્કાર કરીને 40 મિનિટ સુધી દરવાજો ન ખોલતા આખરે જીવ ગુમાવવાનો વારો આવ્યો હતો. @CMOGuj@vijayrupanibjp@drrajivguptaias @Mukeshias @dgpgujarat @ashishbhatiaips @CollectorAhd @AhmedabadPolice pic.twitter.com/r6j18ZNavP

— VTV Gujarati News and Beyond (@VtvGujarati) June 18, 2020

તો રાજસ્થાન હોસ્પિટલના તબિબો પર દર્દીના પરિવાર સાથે ગેરવર્તનનો આક્ષેપ કર્યો છે. ડોક્ટરે દર્દીના સંબંધીઓ સાથે ગાળા-ગાળી કરી હોવાના પણ આક્ષેપ લાગ્યા છે.