રાજસ્થાનમાં પંચાયતી ચૂંટણીમાં હાર પછી સ્થાનિક સ્વરાજની ચૂંટણીમાં કોંગ્રેસનો 'પંજા' એ મજબૂત પકડ જમાવી છે. જ્યારે બીજી તરફ ભાજપને જોરદાર ઝટકો લાગ્યો છે. શહેરી સ્થાનિકમાં યોજાયેલ ચૂંટણીમાં કોંગ્રેસ સૌથી વધારે વોર્ડમાં જીત મેળવવા સફળ રહી છે. જ્યારે બીજા નંબર પર અપક્ષ ઉમેદવાર રહ્યાં છે, જયારે ત્રીજા નંબર પર ભાજપ જોવા મળ્યું. શહેરી વિસ્તાર આમ તો ભાજપની પરંપરાગત વોટબેંક માનવામાં આવે છે, તેમ છતાં પાર્ટી શહેરી ચૂંટણીમાં જીત મેળવી શકી નહીં. આમ ભાજપે પોતાના કબ્જા હેઠળ રહેલી 30 સ્થાનિક સ્વરાજમાં બહુમતિ ગુમાવી દીધી છે.
રાજસ્થાન સ્થાનિક સ્વરાજની ચૂંટણીમાં ભાજપને ઝટકો
ભાજપે 30 શહેરમાં ગુમાવી બહુમતિ
સ્થાનિક સ્વરાજની ચૂંટણીમાં ભાજપ ત્રીજા નંબરે પહોંચ્યું
રાજસ્થાનના 12 જિલ્લાની 50 સ્થાનિક સ્વરાજમાં 43 નગર પાલિકા અને 7 નગર પરિષદમાં 1775 વોર્ડના પરિણામ જાહેર કરવામાં આવ્યાં છે. કોંગ્રેસને 620 વોર્ડમાં જીત મળી, જ્યારે અપક્ષના ખાતામાં 595 વોર્ડ આવ્યાં છે. જ્યારે ભાજપને 548 વોર્ટમાં જીત મળી છે. આ સિવાય બસપાને 7, સીપીઆઇને 2, સીપીઆઇ(એમ)ન2 અને આરએલપીને 1 બેઠક પર જીત મળી છે.
ઉલ્લેખનીય છે કે રાજસ્થાનમાં 2015ના આ 50 સ્થાનિક સ્વરાજની ચૂંટણીમાં 34 શહેરમાં ભાજપ વિજય મેળવવામાં સફળ રહ્યું હતું, પરંતુ 5 વર્ષ પછી માત્ર 4 જગ્યાઓ પર જ પોતાની બુહમતિ પ્રાપ્ત કરી શક્યું છે.
જો કે સૌથી આશ્ચર્યની વાત તો એ રહી કે પ્રદેશમાં 30 એવી સંસ્થા છે જ્યાં અપક્ષ મહત્વની ભૂમિકામાં છે. કોંગ્રેસની પાસે વિપક્ષમાં રહેતા આ 50માંથી 14 શહેરી સંસ્થાઓમાં અધ્યક્ષ હતા. હવે 16માં કોંગ્રેસને સ્પષ્ટ બહુમતિ મળી છે. જો કે કોંગ્રેસ પ્રદેશ અધ્યક્ષ 40 સ્થાનિક સંસ્થાઓમાં પોતાના અધ્યક્ષ બનાવાનો દાવો કરી રહ્યાં હતા.
સ્થાનિક સંસ્થાઓમાં ભલે કોંગ્રેસ સૌથી વધારે વોર્ડમાં જીત મેળવવામાં સફળ પાર્ટી રહી હોય, પરંતુ પાર્ટીના 18 ધારાસભ્યો અને 4 મંત્રીઓના ક્ષેત્રોમાં સ્થાનિક ચૂંટણીમાં કોંગ્રેસ બહુમતિથી દૂર થઇ ગઇ છે. આ ક્ષેત્રોમાં અપક્ષોની જીત થઇ છે. આ દિગ્ગજ શહેરી સંસ્થાઓમાં અપક્ષો વગર નગરપાલિકા અધ્યક્ષ બની શકશે નહીં.
કોંગ્રેસના 5 ધારાસભ્યોને છોડીને કોઇપણ ક્ષેત્રમાં કોંગ્રેસ પોતાના બળ પર બોર્ડ બનાવી શકશે નહીં. કોંગ્રેસ ધારાસભ્યોમાં ગુરમીત કુન્નર સ્ટાર પરફોર્મન્સ રહ્યાં છે. કુન્નરના વિસ્તારમાં 4 નગરપાલિકામાં કોંગ્રેસનો બહુમતિ મળી છે.