ખેડૂતો માટે ફરી પાછા માઠા સમાચાર આવી રહ્યા છે. ઉત્તરગુજરાતમાં ફરી પાછુ માવઠુ થવાની આગાહી હવામાન વિભાગ દ્વારા કરવામાં આવી છે.
ઉત્તર ગુજરાતમાં પડી શકે છે કમોસમી વરસાદ
28 ડિસેમ્બરે સામાન્ય વરસાદની આગાહી
વરસાદી સિસ્ટમ દૂર થતા જ ફરી અનુભવાશે ઠંડી
વેસ્ટર્ન ડિસ્ટબન્સને કારણે માવઠાની અસર વર્તાઇ શકે છે. 27 ડિસેમ્બરે રાજ્યમાં વાદળછાયુ વાતાવરણ રહેશે. 28 ડિસેમ્બરે સામાન્ય વરસાદની આગાહી કરવામાં આવી છે.
ગુજરાતના ખેડૂતો પર આ વર્ષે માઠી બેઠી
ગુજરાતના ખેડૂતો પર પર આ વર્ષે માઠી બેઠી છે. વાવાઝોડાનો માર સહન કરી ફરી બેઠા કરેલા પાક પર કમોસમી વરસાદી કમઠાણ ખેડૂતોના પરસેવાના પાક પણ પાણી ફેરવી રહ્યું છે. ત્યારે હવામાન વિભાગે આગાહી ઉત્તર ગુજરાત માટે છે. વેસ્ટર્ન ડિસ્ટર્બન્સ સર્જાતા 28 ડિસેમ્બરે વરસાદ પડવાની સંભાવના છે.
નવા વર્ષની શરૂઆતથી જ વધી ઠંડીનો ચમકારો
વરસાદી સિસ્ટમ દૂર થતાં ફરી ઠંડીનો ચમકારો જોવા મળશે. નવા વર્ષની શરૂઆતથી જ ઠંડી ફરી વધશે.
ઉત્તર ગુજરાતના કયા જિલ્લામાં કમોસમી વરસાદ પડી શકે
હવામાન વિભાગના વરતારા મુજબ 27 ડિસેમ્બરે રાજ્યમાં વાદળછાયું વાતાવરણ રહેશે જ્યારે 28 ડિસેમ્બરે સામાન્ય વરસાદ થવાની વકી જેમાં ઉત્તર ગુજરાતના બનાસકાંઠા, પાલનપુર, ડીસા, થરામાં કમોસમી વરસાદની વરસી શકે છે. વરસાદી સિસ્ટમ હટતા જ ઠંડીનો ચમકારો અનુભવાશે. ખાસ કરીને નવા વર્ષની શરૂઆતથી કાતિલ ઠંડી પડશે અને ત્યારબાદ આગામી દિવસોમાં ધીરે ધીરે તાપમાનનો પારો ઊચો આવશે.
હવામાન વિભાગે શું આગાહી કરી?
હવામાન વિભાગના વૈજ્ઞાનિક મનોરમા મોહંતીએ ના જણાવ્યા અનુસાર આગળના 4 5 દિવસમાં ગુજરાત રિઝનમાં તાપમાન સામાન્ય રહેશે. પરંતુ 2 દિવસ એટલે કે 25 અને 26 ડિસેમ્બરે લગભગ હવામાન સાફ રહેશે. પણ 27 ડિસેમ્બરે વાતાવરણમાં થોડો બદલાવ આવી શકે છે. 28 ડિસેમ્બરે સામાન્ય વરસાદ થવાની પણ સંભાવના છે. સૌરાષ્ટ્રમાં 28 ડિસેમ્બર બાદ હાલના તાપમાન કરતાં 3 થી 4 ડિગ્રી તાપમાન ઘટી શકે છે. સાથે ગુજરાત ભરમાં 29 ડિસેમ્બર પછી તાપમાન ગગડી શકે છે. હાલમાં સૌથી ઓછું તાપમાન અમરેલીનું જાણવા મળ્યું છે. વેસ્ટર્ન ડિસ્ટર્બન્સ સર્જાતા ગુજરાતમાં વરસાદ પડવાની આગાહી છે. વરસાદ સંભવિત વિસ્તારના ખેડૂતોને 27 અને 28 તારીખ સાચવી લઇ આયોજન કરવા અપીલ કરવામાં આવી છે તેમજ માછીમારો માટે કોઈ એલર્ટ રાખવામાં આવ્યું નથી.