રાજ્યમાં ઠેર ઠેર મેઘરાજા મન મૂકીને વરસી રહ્યા છે. ક્યાંક ધોધમાર તો ક્યાંક ઝરમર ઝરમર વરસાદ વરસી રહ્યો છે. જ્યારે જુનાગઢમાં સતત ત્રીજા દિવસે પણ વરસાદી માહોલ સર્જાયો છે. તો આગામી 5 દિવસમાં રાજ્યભરમાં થશે એવી આગાહી હવામાન વિભાગે કરી છે.
જૂનાગઢમાં ત્રીજા દિવસે મેઘરાજાની ધમાકેદાર બેટિંગ જોવા મળી છે. આજે અડધા કલાકમાં અતિભારે પવન સાથે 1 ઈંટ જેટલો વરસાદ ખાબક્યો છે. ધોધમાર વરસાદના પગલે શહેરના મુખ્ય માર્ગોમાં પાણી ભરાયા છે.
તો જૂનાગઢના કેશોદમાં સતત ત્રીજા દિવસે વરસાદે માંજા મૂકી છે. આજે વહેલી સવારથી સમગ્ર વિસ્તારમાં ધીમીધીરે વરસાદનું સરૂઆત થઈ છે. કેશોદ ઉપરાંત ગ્રામ્ય વિસ્તારોમાં પણ વરસાદ થયો છે. લાંબા સમયના વિરામ બાદ વરસાદ થતાં ખેડૂતોમાં ખુશી જોવા મળી રહી છે.
રાજ્યમાં સોરાષ્ટ્ર અને દક્ષિણ ગુજરાત ઉપરાંત મધ્ય અને ઉત્તર ગુજરાતમાં પણ વરસાદી માહોલ છવાયો છે. વાદળછાયા વાતાવરણ સાથે વરસાદી ઝાપટા પડતાં લોકોને ગરમીથી રાહત મળી છે. તો ધરતી પુત્રોમાં આનંદની લાગણી જોવા મળી છે.