અરવલ્લીઃ ગુજરાતમાં મેઘરાજાએ ધમાકેદાર એન્ટ્રી બોલાવી છે. ખાસ ઉતર ગુજરાતના અરવલ્લીમાં સાર્વત્રિક વરસાદ પડતા નદીઓ બે કાંઠે વહી છે. જિલ્લામાં મેઘરાજાએ ધમાકેદાર એન્ટ્રી કરી છે. વહેલી સવારથી જ જિલ્લાના ભિલોડા તાલુકામાં ધોધમાર વરસાદ પડતા છેલ્લા 8 કલાકમાં 7 ઈંચ જેટલો વરસાદ પડ્યો હતો. ખાસ હાથમતી અને બુઢેલ નદીમાં નવા નીર આવતા સ્થાનિકોમાં પણ ખુશીની લહેર જોવા મળી છે. ભિલોડા બાદ અન્ય તાલુકામાં પણ 2થી 3 ઈંચ જેટલો વરસાદ પડ્યો છે. તો આ તરફ શામળાજીનો મેશ્વો ડેમ પણ ઓવરફ્લો થતા આસપાસના 19 જેટલા ગામોને એલર્ટ કરવામાં આવ્યા છે.
અરવલ્લી જિલ્લામાં સાર્વત્રિક વરસાદ પડતા મેશ્વો ડેમ ઓવરફ્લો થવાની આરે આવ્યો છે. ડેમમાં હાલ 20 હજાર ક્યુસેક પાણીની આવક નોંધાતા 19 જેટલા ગામોને એલર્ટ કરવામાં આવ્યા છે. તો આસપાસના ગામોને નદી કીનારે ન જવા માટે સુચના આપવામાં આવી છે.
અંબાજીમાં ભાદરવી પૂનમના મેળાના પાંચમાં દિવસે પણ ભક્તોનું ઘોળાપુર ઉમટ્યું છે. સતત બીજા દિવસે અંબાજીમાં મેઘરાજાની એન્ટ્રી થતા ભક્તો ખુશખુશાલ થયા છે. અસહ્ય ઉકડાટ વચ્ચે અમી છાંટા થતા ભક્તોએ પણ ને પણ મોટી રાહત મળી છે.
માં અંબાને દ્વારે પહોંચનારા દર્શનાર્થીઓએ રાહતનો શ્વાસ લીધો છે. સતત બે દિવસથી પડી રહેલા વરસાદ વચ્ચે ભક્તો હર્ષો ઉલ્લાસ સાથે મા અંબાના દર્શન કર્યા હતા.ં
છોટાઉદેપુર જિલ્લામાં છેલ્લા 24 કલાક દરમિયાન સાર્વત્રિક વરસાદ પડ્યો છે. જેના કારણે છોટાઉદેપુરની હેરણ નદીમાં ઘોડાપૂર આવ્યું છે. કવાંટ તાલુકામાં પડેલા 3 ઇંચ જેટલો વરસાદના પગલે હેરણ ગાંડીતૂર બની હતી. હેરણ નદીમાં સીઝનમાં ચોથી વખત પુર આવ્યું છે.
સમગ્ર પંથકમાં સારા વરસાદ અને નદીમાં આવેલા પુરના કારણે ભૂગર્ભ જળના સ્તર પણ ઉપર આવ્યા છે. જેથી સમગ્ર પંથકના ખેડૂતોમાં ખુશીનું મોજુ ફરી વળ્યું છે.