ચોમાસું / રાજ્યના 84 તાલુકામાં મેઘમહેર, છોટાઉદેપુરના કવાંટમાં 10 ઈંચ ખાબક્યો

છોટાઉદેપુરના કવાંટ તાલુકામાં સતત ધોધમાર વરસાદ વરસી રહ્યો છે. ક્વાંટ 10 ઈંચ વરસાદ નોંધાયો છે. તો છોટાઉદેપુરમાં સરેરાશ અઢી ઈંચ, જાલોદ અને દાહોદમાં 2 ઈંચ, જેતપુર પાવી અને વઘઈમાં દોઢ ઈંચ, ધનસુરા, હાલોલ, કપરાડા અને ફતેપુરમાં એક ઈંચ વરસાદ નોંધાયો છે.

છોટાઉદેપુરના કવાંટમાં સતત ધોધમાર વરસાદ વરસી રહ્યો છે. ભારે વરસાદના કારણે બોડેલી તાલુકામાં આવેલી કોસિન્દ્રા નદીમાં પાણીની આવક થઈ છે. પાણીની આવક થતા નદીના પાણી 35 જેટલા ઘરમાં ઘુસ્યા છે. ઘરમાં પાણી આવતા લોકોને હાલાકી ભોગવવાનો વારો આવ્યો છે. ત્યારે હવે લોકોને સ્થળાંતર કરવામાં આવ્યુ છે. લોકોને સ્થળાંતર કરીને હાઈસ્કૂલમાં ખસેડવામાં આવ્યા છે.

જ્યારે હવામાન વિભાગ દ્વારા ભારે વરસાદવી આગાહી કરવામાં આવી છે. બંગાળની ખાડીમાં લો પ્રેશર સર્જાતા વરસાદ પડવાની શક્યતાઓ સેવાઈ રહી છે. હવામાન વિભાગ અનુસાર સૌરાષ્ટ્રના કેટલાક જિલ્લાઓમાં વરસાદ પડી શકે છે. તો નર્મદા, બનાસકાંઠા, પાટણ અને અમદાવાદમાં પણ વરસાદ પડી શકે છે. જ્યારે ગાંધીનગર, મહેસાણા, આણંદ અને વડોદરામાં પણ વરસાદ પડવાની શક્યતા છે. હવામાન વિભાગે દક્ષિણ ગુજરાતમાં પણ વરસાદ પડશે તેવી આગાહી કરી છે. તો આગામી 5 દિવસ માછીમારોને દરિયો ન ખેડવા સૂચન કરાયુ છે.