હવામાન વિભાગે ગરમીની સાથે સાથે કમોસમી વરસાદની પણ આગાહી કરી, આજે અને આવતી કાલે બે દિવસ ગરમીનો પ્રકોપ રહેશે તો અનેક વિસ્તારોમાં 13, 14 અને 15 માર્ચે કમોસમી વરસાદની આગાહી
ઉત્તર પૂર્વીય પવનો ફૂંકાવાના કારણે વાતાવરણમાં આવશે પલટો
રાજ્યમાં 13, 14 અને 15 માર્ચે ફરી કમોસમી વરસાદની આગાહી
કમોસમી વરસાદની સાથે કેટલાક વિસ્તારોમાં હિટવેવની પણ આગાહી
રાજ્યમાં હવામાન વિભાગ દ્વારા ફરી એકવાર કમોસમી વરસાદની આગાહી કરવામાં આવતા જગતના તાતની ચિંતામાં વધારો થયો છે. વાત જાણે એમ છે કે, હવામાન વિભાગે ગરમીની સાથે સાથે કમોસમી વરસાદની પણ આગાહી કરી છે. જે મુજબ રાજ્યમાં આજે અને આવતી કાલે બે દિવસ ગરમીનો પ્રકોપ રહેશે તો રાજ્યના અનેક વિસ્તારોમાં 13, 14 અને 15 માર્ચે કમોસમી વરસાદની આગાહી કરવામાં આવી છે.
આગામી ત્રણ દિવસ ખેડૂતો માટે 'ભારે'
ગુજરાતમાં તાજેતરમાં આવેલ કમોસમી વરસાદ બાદ ખેડૂતોને પડ્યા પર પાટુ જેવી સ્થિતિ સર્જાઇ હતી. આ દરમિયાન ફરી એકવાર હવામાન વિભાગે આગાહી કરતાં હવે આગામી ત્રણ દિવસ ખેડૂતો માટે 'ભારે' છે. હવામાન વિભાગ દ્વારા ઉત્તર, દક્ષિણ ગુજરાત અને સૌરાષ્ટ્રમાં 13, 14 અને 15 માર્ચે ગાજવીજ અને ભારે પવન સાથે કમોસમી વરસાદની આગાહી કરવામાં આવતા ખેડૂતોની ચિંતામાં વધારો થયો છે.
જાણો કયા-કયા પડી શકે કમોસમી વરસાદ ?
હવામાન વિભાગની આગાહી મુજબ આગામી 13, 14 અને 15 માર્ચે ગાજવીજ અને ભારે પવન સાથે કમોસમી વરસાદ પડી શકે છે. જેમાં ખાસ કરીને ઉત્તર, દક્ષિણ ગુજરાત, સૌરાષ્ટ્રમાં વરસાદની આગાહી કરાઇ છે. આગાહી મુજબ બનાસકાંઠા, પાટણ, મહેસાણા,ડાંગ, વલસાડ, નવસારી, તાપી, દાહોદ, અમરેલી, ભાવનગર અને કચ્છમાં માવઠાની સંભાવના છે. આ સાથે અમદાવાદ, ગાંધીનગરમાં વાદળછાયું વાતાવરણ રહેશે. મહત્વનું છે કે, ઉત્તર પૂર્વીય પવનોના કારણે વાતાવરણ પલટાશે.
48 કલાક કેટલાક વિસ્તારોમાં હિટવેવની આગાહી
હવામાન વિભાગે કમોસમી વરસાદની સાથે સાથે 48 કલાક કેટલાક વિસ્તારોમાં હિટવેવની આગાહી કરી છે. નોંધનીય છે કે, ગતરોજ ભુજમાં સૌથી વધુ 38 ડિગ્રી તાપમાન નોંધાયું હતું. ગરમીને લઈને હવામાન વિભાગ દ્વારા આગાહી કરતાં જણાવાયું હતું કે, આજે અને આવતીકાલે બે દિવસ ગરમીનો પ્રકોપ રહેશે. આ સાથે 48 કલાક કેટલાક વિસ્તારોમાં હિટવેવની આગાહી પણ કરાઇ છે.
બે દિવસ ગરમીનો પ્રકોપ
ઉનાળાની ૠતુને લઈને હવામાન વિભાગ દ્વારા વધુ એક વખત આગાહી કરવામાં આવી છે. જેમાં જણાવાયા અનુસાર રાજ્યમાં 2 દિવસ ગરમીનો પ્રકોપ યથાવત રહે તેવું જણાવાયુ છે. વધુમાં 48 કલાક કેટલાક વિસ્તારોમાં હિટવેવની આગાહી કરવામાં આવી છે. જેના ભાગરૂપે આજે ભુજમાં સૌથી વધુ 38 ડિગ્રી તાપમાન નોંધાયું હતુ. જેને લઈને શહેરવાસીઓ ગરમીથી તોબા પોકારી ગયા હતા.આ ઉપરાંત 2 દિવસ બાદ કમોસમી વરસાદની પણ આગાહી કરવામાં આવી છે.
હવામાન વિભાગે વ્યક્ત કરી આગાહી
હવામાન વિભાગ દ્વારા સત્તાવાર રીતે આપેલા નિવેદનમાં જણાવાયા અનુસાર તા.13, 14, 15 માર્ચેના રોજ રાજ્યના કેટલાક વિસ્તારોમાં માવઠું ત્રાટકી શકે છે. સાથે-સાથે વેસ્ટર્ન ડિસ્ટર્બન્સની અસરના કારણે રાજ્યના હવામાનમાં પલટો આવવાની સંભાવના પણ હવામાન વિભાગે વ્યક્ત કરી છે. આગામી દિવસોમાં ગાજવીજ અને ભારે પવન સાથે વરસાદની આગાહી કરાઈ છે. જેમાં ઉત્તર, દક્ષિણ ગુજરાત, સૌરાષ્ટ્રના કેટલાક વિસ્તારોમા વરસાદ વકી જોવા મળી રહી છે. ૧૩મીએ બનાસકાંઠા, સાબરકાંઠા, પાટણ, મહેસાણા, દાહોદ, છોટાઉદેપુર, નર્મદા, તાપી અને ડાંગ ઉપરાંત સૌરાષ્ટ્ર-કચ્છના અમરેલી, રાજકોટ, પોરબંદરમાં વરસાદની આગાહી છે. જ્યારે 14 માર્ચે દાહોદ, છોટાઉદેપુર, નર્મદા, સુરત, તાપી, ડાંગ, વલસાડ, નવસારી, દમણ, દાદરા-નગર હવેલી અને સૌરાષ્ટ્ર-કચ્છના અમરેલી, રાજકોટ, પોરબંદર, જૂનાગઢમાં કમોસમી વરસાદ થવાની આગાહી વ્યક્ત કરવામાં આવી છે. 13 અને 14 માર્ચ દરમિયાન આ જિલ્લાઓમાં 30-40 કિલોમીટરની ઝડપે પવન ફૂંકાવાની પણ સંભાવના વ્યક્ત કરવામાં આવી છે.ઉત્તર પૂર્વીય પવનોના કારણે વાતાવરણ પલટાશે તેમ હવામાન વિભાગના વૈજ્ઞાનિક દ્વારા જણાવાયું છું.
ખેડૂતોના શાકભાજી અને બાગાયતી પાકને નુકસાન થવાની સંભાવના
આગામી દિવસોમાં અમદાવાદ શહેર સિહત રાજ્યના કેટલાક જિલ્લાઓમાં મહત્તમ તાપમાનમાં 2-3 ડિગ્રીનો વધારો થવાની સંભાવના હવામાન વિભાગ દ્વારા વ્યક્ત કરવામાં આવી છે. ગઈકાલે અમદાવાદમાં 36, ગાંધીનગરમાં 34, રાજકોટમાં 37, વડોદરા અને સુરતમાં 36 ડિગ્રી મહત્તમ તાપમાન નોંધાયું હતું. જ્યારે 38 ડિગ્રી સાથે ભૂજ, નલિયા, કેશોદ સૌથી ગરમ રહ્યાં હતાં. આમ રાજ્યમાં મોટા ભાગે મહત્તમ તાપમાન 36-37 ડિગ્રીની આસપાસ રહ્યું હતું. રાજ્યમાં તાજેતરમાં થયેલા કમોસમી વરસાદના કારણે ખેડૂતોને પાકમાં નુકસાન થયું છે. હવે ફરી એક વાર વરસાદની આગાહી છે ત્યારે ખેડૂતોના શાકભાજી અને બાગાયતી પાકને નુકસાન થવાની સંભાવના છે અને આથી ખેડૂતોમાં ભારે ચિંતા પ્રસરી છે.