રેલવેમાં પ્રાઇવેટ સેક્ટરને સામેલ કરવામાં આવશે. મોદી સરકારના બીજા કાર્યકાળ પહેલા બજેટમાં રેલવે માટે મોટું એલાન કરવામાં આવ્યું છે. નાણામંત્રી નિર્મલા સીતારમણે કહ્યું છે કે રેલવેના વિકાસ માટે તથા મુસાફરી માલ સેવાઓ માટે સાર્વજનિક અને પ્રાઇવેટ ભાગીદારી અથવા PPP મોડલનો ઉપયોગ કરવામાં આવશે. રેલવેમાં પીપીપી મોડલના પ્રોત્સાહનને વધારવા પર જોર આપવામાં આવશે.
આપને જણાવીએ કે રેલવેના વિકાસમાં પીપીપી મોડલ અપનાવવા પર પહેલાથી જ ચર્ચા ચાલી રહી હતી. માનવામાં આવી રહ્યું છે કે તેથી રેલવેમાં વર્લ્ડ ક્લાસ ટેક્નોલોજીને સામેલ કરી શકાય છે. તેથી ન રેલવેના આધુનિકરણમાં મદદ મળશે. સાથે રેલવે ઇન્ફ્રાસ્ટ્રક્ચરનો વધુ સારો વિકાસ થઇ શકે છે. રેલવેમાં આધુનિક કોચમાં જરૂરત પૂર્ણ થશે. રેલવે ટ્રેકની કમી પૂર્ણ કરી શકાય છે. જ્યારે રેલવે સ્ટેશનો પર માળખાકીય સુવિધાઓનો વિકાસ થઇ શકે છે.
2030 સુધી 50 લાખ કરોડની જરૂર
નાણામંત્રીએ કહ્યું કે, રેલવે ઇન્ફ્રાસ્ટ્રક્ચરને 2018-2030 વચ્ચે 50 લાખ કરોડ રૂપિયાની જરૂર પડશે. નાણામંત્રીએ એમ પણ કહ્યું કે સરકાર માલ વહન માટે નદી માર્ગનો ઉપયોગ કરવાની પરિકલ્પના પણ કરી રહી છે. જેથી રેલ અને રસ્તા માર્ગ પર ટ્રેફિકનો પ્રશ્ન ઓછો થાય.
મેટ્રો રેલવે માટે પણ PPP મોડલ
નિર્મલા સીતારમણે લોકસબામાં નાણાકીય વર્ષ 2019-20નું આમ બજેટ રજૂ કરતા કહ્યું કે દેશમાં 657 કિલોમીટર મેટ્રો રેલ નેટવર્ક ઓપરેટિંગમાં છે. નાણામંત્રીને જાહેરાત કરતા કહ્યું કે મેટ્રો રેલમાં વધારેમાં વધારે પીપીપીનો ઉપયોગ કરવામાં આવશે.