પડકાર / જાણો, કોરોના મુદ્દે રાહુલ ગાંધીએ શા માટે કહ્યું - 'મારી પણ ધરપકડ કરો'

કોરોના વેક્સીનના લેઈને પ્રધાનમંત્રી નરેન્દ્ર મોદી વિરૂદ્ધ દિલ્હીમાં લાગેલા પોસ્ટરના મામલે અત્યાર સુધી કુલ 21 એફઆઈઆર દાખલ કરવામાં આવી છે. આ ઉપરાંત દિલ્હી પોલીસે અત્યાર સુધી 17 લોકોની ધરપકડ કરી છે. જોકે તેમાં અમુક લોકોને જામિન મળી ગઈ છે. પરંતુ આ વચ્ચે કોંગ્રેસે પીએમ મોદીને આડે હાથ લીતા ટ્વીટ કર્યું છે. કોંગ્રેસ નેતા રાહુલ ગાંધી અને પ્રિયંકા ગાંધીએ તેજ પોસ્ટર શેર કર્યું છે. જેને લઈને વિવાદ થઈ રહ્યો છે. 

Arrest me too.

मुझे भी गिरफ़्तार करो। pic.twitter.com/eZWp2NYysZ

— Rahul Gandhi (@RahulGandhi) May 16, 2021

કોંગ્રેસ પૂર્વ અધ્યક્ષ રાહુલ ગાંધીએ પોસ્ટર શેર કરતા લખ્યું કે, મરી પણ ધરપકડ કરો. ત્યાં જ પ્રિયંકા ગાંધીએ ટ્વીટર પર પોતાના પ્રોફાઈલ ફોટોને જ વિવાદિત પોસ્ટરમાં બદલી નાખ્યું છે. જણાવી દઈએ કે પોલીસે આ મામલે અત્યાર સુધી જે એફઆઈઆર દાખલ કરી છે તે પબ્લિક પ્રોપર્ટીને નુકશાન પહોંચાડવા અને કલમ 188 હેઠળ દાખલ કરવામાં આવી છે. 

શું છે સમગ્ર મામલો? 

હકીકતે, ગુરુવારે રાત્રે દિલ્હી પોલીસને જાણકારી મળી હતી કે રાષ્ટ્રીય રાજધાનીના અલગ અલગ વિસ્તારમાં પોસ્ટર લગાવવામાં આવ્યા હતા. જેના પર લખ્યુ હતું કે, 'મોદીજી આપને હમારે બચ્ચો કી વેક્સીન વિદેશ ક્યોં ભેજ દી'. સૂત્રોના જણાવ્યા અનુસાર દિલ્હી પોલીસે એ જાણવાનો પ્રયત્ન કર્યો છે કે આ પોસ્ટર કોણે છપાવ્યુ અને કોના કહેવા પર તે લગાવવામાં આવ્યું. દિલ્હીના ઈસ્ટ, નોર્થ, સેન્ટ્રલ, રોહિણી અને દ્વારકા ડિસ્ટ્રિક્ટમાં આ પોસ્ટર લગાવવામાં આવ્યા હતા.