કોંગ્રેસના રાહુલ ગાંધી ઘૂંટણના દુઃખવાને પગલે અધવચ્ચે જ ભારત જોડો યાત્રા છોડી દેવાના હતા પરંતુ ત્યારબાદ પીડામુક્ત થતા યાત્રા શરૂ રાખી હતી.
કોંગ્રેસના મહાસચિવ કેસી વેણુગોપાલનું નિવેદન
રાહુલ ગાંધીની પ્રતિબદ્ધતાને વખાણી
અખિલ ભારતીય કોંગ્રેસ સમિતિના મહાસચિવ કેસી વેણુગોપાલે ભારત જોડો યાત્રા પૂર્ણ કરવા અંગે રાહુલ ગાંધીની પ્રતિબદ્ધતાને વખાણી છે. આ યાત્રાના શરૂઆતના દિવસો દરમિયાન બનેલ ઘટનાઓ ટાંકતા તેમણે કહ્યું કે યાત્રાના એક સમયે એવી સ્થિતિ આવી હતી કે રાહુલ ગાંધીની ઘૂંટણની ગંભીર સમસ્યાને કારણે આ યાત્રાનું સુકાન અન્યને આપવાનું વિચારી તે પોતે પણ આ યાત્રા છોડવા માંગતા હતા.
રાહુલ ગાંધીની નજીકના ગણાતા વેણુગોપાલે જણાવ્યું હતું કે ભારત જોડો યાત્રામાં એવી પણ હાલત આવી હતી કે પ્રિયંકા ગાંધીએ પણ કહેવા ની નોબત આવી હતી કે તેમના ભાઈ ગંભીર પીડાને પગલે દેશવ્યાપી પગપાળા પદયાત્રા છોડી શકે છે. વાત તો ત્યાં સુધી થઈ રહી હતી કે યાત્રાનું શુકાન કોંગ્રેસના સિનિયર આગેવાનોને આપી દેવામાં આવશે.
યાત્રીઓના સન્માન સમારોહમાં વેણુગોપાલે જણાવ્યું કે
ભારત જોડ યાત્રામાં જોડાયેલા યાત્રીઓના સન્માન સમારોહનું આયોજન કરવામાં આવ્યું હતું. જે દરમિયાન સંબોધન કરતા વેણુગોપાલે જણાવ્યું હતું કે જ્યારે કન્યાકુમારીથી શરૂ થઈને ત્રીજા દિવસે યાત્રાએ કેરળમાં પ્રવેશ કર્યો હતો ત્યારે ત્યારે રાહુલ ગાંધીના ઘૂંટણના દુખાવામાં વધારો થયો હતો. આ વેળાએ રાહુલ ગાંધીએ મને ઘૂંટણના દુખાવા અંગે વાત કરવા માટે બોલાવ્યો હતો અને આગામી સમયમાં વરિષ્ઠ નેતાના નેતૃત્વમાં યાત્રા ચાલુ રાખવા પણ આહવાન કર્યું હતું.
ભારત જોડો યાત્રા આટલા પ્રાંતમાં ફરી
વધુમાં માહિતી આપતા વેણુગોપાલે ઉમેર્યું હતું કે, ભારત જોડો યાત્રા 7 સપ્ટેમ્બર, 2022ના રોજ કન્યાકુમારીથી કેરળમાં પહોચતી વેળાએ રાહુલ ગાંધી વિનાની યાત્રા કોંગ્રેસના કાર્યકરો અને નેતાઓ માટે અકલ્પનીય છે. વધુમાં રાહુલ ગાંધીની અસહ્ય પીડાને પગેલ સારવાર માટે ફિઝિયોથેરાપિસ્ટને બોલાવવાની પણ નોબત આવી હતી. ત્યારબાદ પૂરતી સારવારને લઈ રાહુલ ગાંધી પીડામુકત થયા હતા. મહત્વની વાતએ છે કે કેરળની મુલાકાત દરમિયાન રાહુલે પોતે કોંગ્રેસના કાર્યકરોને પોતાના ઘૂંટણના દુખાવાની વાત કહી હતી. જો કે, તેમ છતાં, તેણે 136 દિવસ સુધી ચાલેલી મુસાફરીમાં 4000 કિમીનું અંતર પગપાળા જ કાપ્યું હોવાનું સામે આવ્યું છે. આ દરમિયાન રાહુલની યાત્રા 12 રાજ્યો અને બે કેન્દ્રશાસિત પ્રદેશોના 75 જિલ્લાઓમાંથી પસાર થઈ છે.