પ્રહાર / IMFએ કહ્યું- પ્રતિ વ્યક્તિ GDPમાં ભારત હવે આ પાડોશી દેશ કરતાં પણ થશે પાછળ, રાહુલ ગાંધીએ કરી ટકોર

રાહુલ ગાંધીએ શું ટ્વિટ કર્યું છે ?

રાહુલ ગાંધીએ આજે IMF તરફથી જાહેર કરવામાં આવેલ પ્રતિ વ્યક્તિ GDPના આંકડાને ટ્વિટ કર્યું છે. આ ટ્વિટને લઇને રાહુલ ગાંધીએ નિશાન તાકતા કહ્યું કે 'ભાજપના નફરત ભરેલા સાંસ્કૃતિક રાષ્ટ્રવાદના 6 વર્ષની ઠોસ ઉપલબ્ધિ, બાંગ્લાદેશ ભારતથી આગળ નીકળવાની તૈયારીમાં છે.'
 

Solid achievement of 6 years of BJP’s hate-filled cultural nationalism:

Bangladesh set to overtake India.

👏👏👏 pic.twitter.com/waOdsLNUVg

— Rahul Gandhi (@RahulGandhi) October 14, 2020

શું છે IMFનું અનુમાન?

ઉલ્લેખનીય છે કે આંતરરાષ્ટ્રીય મુદ્રા કોષે અનુમાન લગાવ્યું છે કે બાંગ્લાદેશની પ્રતિ વ્યક્તિ GDP 2020માં 4 ટકાથી વધીની 1,877 ડોલરના લેવલ પર છે. જ્યારે ભારતમાં પ્રતિ વ્યક્તિ GDP બાંગ્લાદેશથી માત્ર 1 ડોલર વધારે એટલે 1,888 ડોલર છે. જ્યારે ભારતના પડોશી નેપાળની પ્રતિ વ્યક્તિ GDP 1116 ડોલર છે. 

ભારતીય અર્થવ્યવસ્થા આ વર્ષે 10.3 ટકા ઘટશે

કોરોના વાયરસથી ખરાબ રીતે પ્રભાવિત ભારતીય અર્થવ્યવસ્થામાં આ વર્ષ દરમિયાન 10.3 ટકાના ભારે ઘટાડાનું અનુમાન છે. IMFએ પોતાની 'વિશ્વ આર્થિક પરિદ્રશ્ય' પર જાહેર કરાયેલ હાલના રિપોર્ટમાં એ અનુમાન વ્યકત કર્યું છે. આ રિપોર્ટમાં IMF અને વિશ્વ બેંકની વર્ષની વાર્ષિક બેઠક  પહેલા જાહેર કરી છે. જેમાં કહેવામાં આવ્યું છે કે 2020માં વૈશ્વિક અર્થવ્યવસ્થામાં 4.4 ટકાનો ઘટાડો આવશે અને 2021માં આ 5.2 ટકાની જોરદાર વૃદ્ધિ પ્રાપ્ત કરશે. 

આ સાથે જ IMFએ જણાવ્યું છે કે 2021માં ભારતીય અર્થવ્યવસ્થામાં સંભવતઃ 8.8ની જોરદાર વધારો જોવા મળશે અને તે ચીનને પાછળ છોડવાની સાથે ઝડપથી ઉભરતી અર્થવ્યવસ્થાને ફરી પ્રાપ્ત કરી લેશે. 2021માં ચીન 8.2 ટકાની વૃદ્ધિ પ્રાપ્ત કરવાનું અનુમાન છે.