વિવાદ / રાહુલ ગાંધીના 'રેપ ઈન ઈન્ડિયા'ની કોમેન્ટ પર વિવાદ સાચો કે ખોટો? વીડિયો જોઈને તમે કહેશો ખોટો

રાહુલ ગાંધીએ ઉત્તર પ્રદેશ અને ઝારખંડમાં મહિલાઓ ઉપર થઇ રહેલી જાતીય હિંસાની આકરી ટીકા કરવા માટે મોદી સરકારના મેક ઈન ઇન્ડિયા પ્રોગ્રામનું નામ બદલીને રેપ ઈન ઇન્ડિયા શબ્દનો પ્રયોગ કર્યો. આ મુદ્દે ભાજપના નેતાઓ રાહુલ ગાંધીની આકરી ઝાટકણી કાઢી રહ્યા છે.

જો કે રાહુલ ગાંધીનો મેક ઈન ઇન્ડિયા શબ્દપ્રયોગ અને આ પછી તેમણે કરેલી ટિપ્પણીઓ કોઈ જ મુદ્દાઓ રાહુલ ગાંધી દેશના પુરુષોને મહિલાઓનો રેપ કરવાની એટલે કે તેમની પર બળાત્કાર ગુજારવાની હાકલ કરતા હોય તે સંદર્ભમાં સ્પષ્ટપણે નહોતા. આમ છતાં કેન્દ્રીય મંત્રી સ્મૃતિ ઈરાનીએ લોકસભામાં રાહુલ ગાંધી ઉપર દેશના પુરુષોને મહિલાઓનો રેપ કરવા ઉશ્કેરવાનો આક્ષેપ મુક્યો છે. 

આ લેખમાં ઝારખંડમાં તેમણે ઉચ્ચારેલા ભાષણોની ઓરીજીનલ વીડિઓ છે. આ ભાષણમાં સ્પષ્ટ પ્રમાણે જોઈ શકાય છે કે તેમણે રેપ ઈન ઇન્ડિયા શબ્દ ઉન્નાવમાં ભાજપના પૂર્વ MLA કુલદીપ સેંગર વડે ગુજારાયેલા ધૃણાસ્પદ બળાત્કાર મુદ્દે વડાપ્રધાન નરેન્દ્ર મોદીના મૌનને લઇને સાધ્યો હતો. સેંગરની આ હરકતો પછી બળાત્કારની પીડિતા અને તેના સગા ઉપર જીવલેણ હુમલો કરવામાં આવ્યો હતો.

I don't think @RahulGandhi said anything wrong!! If he then what was the purpose to say so, Infact I think our @PMOIndia should work on the serious problem in India. I support👆🏻 #RahulGandhiForWomenSafety pic.twitter.com/jxg7oNjngr

— Abdul rehman shaikh (@abdsrehm) December 13, 2019

રાહુલ ગાંધીએ આ પ્રમાણે કહ્યું હતું : 

" નરેન્દ્ર મોદીએ કહ્યું હતું : મેક ઈન ઇન્ડિયા. હવે દેશમાં જ્યાં જુઓ ત્યાં મેક ઈન ઇન્ડિયા નથી પણ રેપ ઈન ઇન્ડિયાની સ્થિતિ છે. અખબારોમાં આ જ ખબરો આવ્યા કરે છે. ઝારખંડમાં મહિલાઓ પર બળાત્કાર થાય છે. ઉન્નાવમાં ભાજપના પૂર્વ MLA કુલદીપ સેંગરે બળાત્કાર ગુજાર્યો, ત્યાર બાદ પીડિતા સાથે જીવલેણ કાર અકસ્માત કર્યો,  આ મુદ્દે વડાપ્રધાન નરેન્દ્ર મોદી એક અક્ષર નથી બોલ્યા. 

તમામ રાજ્યોમાં દરરોજ રેપ ઈન ઇન્ડિયા થાય છે. નરેન્દ્ર મોદી કહે છે બેટી બચાઓ, બેટી પઢાવો. મોદીજી તમે એ ન જણાવ્યું કે દીકરીઓને કોનાથી બચાવાની છે. તેમને ભાજપના MLAથી બચાવવાની છે"

આ મુદ્દે હોબાળો થયા બાદ રાહુલ ગાંધીએ માફી માંગવાની ઘસીને ના પાડી દીધી છે. તેના બદલે તેમણે ભાજપ ઉપર વળતો પ્રહાર કરીને જણાવ્યું હતું કે ભાજપ આ હોબાળો કરીને દેશમાં ઉત્તર પૂર્વના રાજ્યોમાં ચાલી રહેલા નાગરિકતા સંશોધન બિલના વિરોધનો મુદ્દો દબાવવાની કોશિશ કરે છે. આ ઉપરાંત તેમણે નરેન્દ્ર મોદીનો એક જૂનો વીડિઓ પોસ્ટ કર્યો હતો જેમાં મોદી દિલ્હીને દેશની રેપ કેપિટલ એટલે કે બળાત્કારની રાજધાની ગણાવી રહ્યા છે.