કાર્યવાહી / નેશનલ હેરાલ્ડ કેસમાં રાહુલ ગાંધીનો છૂટકારો નહીં, ED બુધવારે પણ કરશે પૂછપરછ, જાણો શું પૂછાયું

• ઈડી રાહુલ ગાંધીની બુધવારે ત્રીજી વાર પૂછપરછ કરશે 
• મંગળવારે બીજી વાર બે તબક્કામાં કરી પૂછપરછ
• નેશનલ હેરાલ્ડ કેસમાં રાહુલ ગાંધીની થઈ રહી છે કાર્યવાહી 

નેશનલ હેરાલ્ડ કેસમાં રાહુલ ગાંધીની મુશ્કેલીઓ ખૂબની વધી છે. ઈડી અત્યાર સુધી બે વાર રાહુલની પૂછપરછ કરી છે અને ત્રીજા દિવસની પૂછપરછ માટે ઈડીએ બુધવારે રાહુલ ગાંધીને બોલાવ્યાં છે. 

Enforcement Directorate asks Congress leader Rahul Gandhi to rejoin the National Herald investigation tomorrow for the third consecutive day: Sources

(file pic) pic.twitter.com/a2vpzyqtCt

— ANI (@ANI) June 14, 2022

બીજા દિવસની પૂછપરછમાં રાહુલ ગાંધીએ ઈડીના અધિકારીઓને પૂછપરછ આટોપી લેવાનું જણાવ્યું હતું પરંતુ અધિકારીઓએ તેનો ઈન્કાર કરી દીધો હતો અને બુધવારે તેમને ફરી આવવાનું જણાવી દીધું હતું. 

બુધવારે ત્રીજી વાર થશે પૂછપરછ
ઈડીને બે દિવસમાં પૂછપરછ જેટલો જોઈએ તેટલો પ્રતિસાદ ન મળ્યો હોવાથી હવે રાહુલ ગાંધીની બુધવારે પણ પૂછપરછ કરશે અને રાહુલ ગાંધીને બુધવારે પણ પૂછપરછ માટે હાજર રહેવાનું જણાવી દેવાયું છે. 

બે દિવસમાં 17 કલાક સુધી પૂછપરછ 
બે દિવસમાં 17 કલાકથી વધુ વાર રાહુલ ગાંધીની પૂછપરછ થઈ ચૂકી છે અને હવે ઈડીએ તેમને બુધવારે ત્રીજી વાર બોલાવ્યાં છે. સૂત્રોના જણાવ્યાનુસાર રાહુલ ગાંધીએ પૂછપરછમાં ઈડીના અધિકારીઓને એવું કહ્યું કે મને વારંવાર પૂછપરછ માટે ન બોલાવો. 

Delhi Police&Modi govt crossed all limits of shamelessness when they brutally hit out at Congress leaders & workers in an unprovoked fashion. The way MP Jebi Mather was dragged by male constables, the way she was beaten reflects anti-women mindset of Modi govt: R. Surjewala,Cong pic.twitter.com/P7e7pDjw53

— ANI (@ANI) June 14, 2022

રાહુલ ગાંધીને ઇડી દ્વારા શું પૂછવામાં આવ્યું 
સૂત્રોના જણાવ્યાનુસાર રાહુલ ગાંધીને એવું પૂછવામાં આવ્યું હતું કે એજેએલને ચૂકવેલા 50 લાખ રૂપિયા ક્યાંથી આવ્યા? એજન્સીએ એમ પણ પૂછ્યું હતું કે શું તેમને આ રકમના બદલામાં નેશનલ હેરાલ્ડની સંપત્તિ મળશે. એજન્સી દ્વારા તેમને એમ પણ પૂછવામાં આવ્યું હતું કે તેમણે યંગ ઇન્ડિયા લિમિટેડ કંપની શા માટે બનાવી. જો કે તમામ સવાલો પર તેમણે મૌન સેવ્યું હતું.

શું છે નેશનલ હેરાલ્ડ કેસ 
આ તપાસ નેશનલ હેરાલ્ડની માલિકી ધરાવતી કોંગ્રેસ દ્વારા પ્રમોટ કરાયેલ યંગ ઈન્ડિયન પ્રાઈવેટ લિમિટેડમાં કથિત નાણાકીય અનિયમિતતાઓને લગતી છે. નેશનલ હેરાલ્ડ એસોસિએટેડ જર્નલ્સ લિમિટેડ અથવા એજેએલ દ્વારા પ્રકાશિત કરવામાં આવે છે.