નિવેદન / રાહુલ ગાંધીના માનહાનિ કેસ મામલે UNની સૌ પ્રથમ પ્રતિક્રિયા આવી સામે, જુઓ શું બોલ્યા એન્ટોનિયો ગુટેરસ

• રાહુલ ગાંધીને માનહાનિ કેસમાં દોષિત ઠેરવ્યા
• રાહુલ ગાંધીની સજાનો મામલો સંયુક્ત રાષ્ટ્રમાં પહોંચ્યો 
• સજા મામલે સંયુક્ત રાષ્ટ્રનું નિવેદન આવ્યું 

કોંગ્રેસ સાંસદ રાહુલ ગાંધીને માનહાનિના કેસમાં મળેલી સજાના મામલામાં સંયુક્ત રાષ્ટ્રનું નિવેદન આવ્યું છે. યુએનના વડા એન્ટોનિયો ગુટેરેસના પ્રવક્તાએ કહ્યું છે કે યુએનને ખબર છે કે કોંગ્રેસ નેતા રાહુલ ગાંધીને બે વર્ષની જેલની સજા ફટકારવામાં આવી છે અને તેમની પાર્ટીએ આ નિર્ણય સામે અપીલ કરી છે. 

કોર્ટે રાહુલ ગાંધીને માનહાનિના કેસમાં બે વર્ષની જેલની સજા ફટકારી

જ્યારે ગુટેરેસને પૂછવામાં આવ્યું કે શું ભારતમાં 'લોકશાહીની ચિંતા' છે ? તો હકે કહ્યું, 'હું કહી શકું છું કે રાહુલ ગાંધીના કેસ અંગે જે અહેવાલો આવ્યા છે તેનાથી અમે વાકેફ છીએ. અમને જાણવા મળ્યું છે કે તેમનો પક્ષ ચુકાદા સામે અપીલ કરવાની યોજના બનાવી રહ્યો છે. અત્યારે આ બાબતે હું એટલું જ કહી શકું છું.' કોર્ટે રાહુલ ગાંધીને અપરાધિક માનહાનિના કેસમાં બે વર્ષની જેલની સજા ફટકારી છે. ચીફ જ્યુડિશિયલ મેજિસ્ટ્રેટ એચએચ વર્માની કોર્ટે રાહુલ ગાંધીને ભારતીય દંડ સંહિતા (આઈપીસી)ની કલમ 499 અને 500 હેઠળ દોષિત ઠેરવ્યા છે. આ સાથે કોર્ટે તેમને જામીન આપ્યા હતા અને હાઈકોર્ટમાં અપીલ કરવા માટે 30 દિવસની સજા સ્થગિત કરી હતી. 

રાહુલ ગાંધીએ મોદી સરનેમને લઈને આપ્યું હતું નિવેદન

નીરવ મોદી, લલિત મોદી, નરેન્દ્ર મોદીની અટક કેમ કોમન છે? તમામ ચોરોની અટક મોદી કેમ હોય છે? રાહુલ ગાંધીના નિવેદન પછી બીજેપી ધારાસભ્યએ માનહાનિનો કેસ દાખલ કર્યો અને આરોપ લગાવ્યો કે 2019 માં એક ચૂંટણી રેલીને સંબોધિત કરતી વખતે રાહુલે કથિત રીતે કહીને સમગ્ર મોદી સમુદાયને બદનામ કર્યો હતો કે બધા ચોરોની અટક મોદી કેમ છે? તેમના નિવેદનથી અમારી અને સમાજની ભાવનાઓને ઠેસ પહોંચી છે. પૂર્ણેશ ભૂપેન્દ્ર પટેલ સરકારના પ્રથમ કાર્યકાળમાં મંત્રી હતા. તેઓ ડિસેમ્બરમાં સુરતમાંથી ફરીથી ધારાસભ્ય તરીકે ચૂંટાયા છે.