રાજનીતિ / 'વિદેશી ટી-શર્ટ પહેરીને ભારત જોડવા નીકળ્યાં છે', રાહુલ ગાંધી પર અમિત શાહનો મોટો પ્રહાર

• કોંગ્રેસની ભારત જોડો યાત્રા પર પહેલું મોટું નિવેદન 
• રાહુલ ગાંધીની ભારત જોડો યાત્રા પર અમિત શાહનો કટાક્ષ 
• કહ્યું- વિદેશી ટીશર્ટ પહેરીને ભારત જોડવા નીકળ્યાં છે

ભારત જોડો યાત્રા દરમિયાન કોંગ્રેસ નેતા રાહુલ ગાંધીએ પહેરેલું ટીશર્ટ હવે મોટો મુદ્દો બનતો જાય છે. ગૃહમંત્રી અમિત શાહે આ મુદ્દે પ્રતિક્રિયા આપતાં રાહુલ ગાંધી પર મોટો પ્રહાર કર્યો હતો. રાજસ્થાનમાં એક કાર્યક્રમ દરમિયાન ગૃહમંત્રીએ કહ્યું- હમણાં જ રાહુલ બાબા ભારત જોડો યાત્રા લઈને નીકળ્યા છે. રાહુલ બાબા વિદેશી ટીશર્ટ પહેરીને ભારતને જોડવા નીકળ્યાં છે. 

Rahul Gandhi has started 'Bharat Jodo Yatra', he needs to study history first: Home Minister Amit Shah at BJP event in Jodhpur

— Press Trust of India (@PTI_News) September 10, 2022

રાહુલ ગાંધીએ ઈતિહાસનો અભ્યાસ કરવો જોઈએ- અમિત શાહ 
અમિત શાહે કહ્યું કે હું રાહુલ બાબા અને કોંગ્રેસીઓને સંસદમાં તેમના ભાષણની યાદ અપાવું છું. રાહુલ બાબાએ કહ્યું હતું કે ભારત કોઈ રાષ્ટ્ર નથી. અરે રાહુલ બાબા, તમે કયા પુસ્તકમાં વાંચ્યું છે? આ એ રાષ્ટ્ર છે જેના માટે લાખો-કરોડો લોકોએ પોતાના જીવનનું બલિદાન આપ્યું.

કોંગ્રેસ માત્ર ઠાલા વચનો જ આપી શકે - અમિત શાહ
રાજસ્થાન સરકાર પર પ્રહાર કરતા ગૃહમંત્રીએ કહ્યું- 10 દિવસની અંદર ખેડૂતોની લોન માફ કરવાનું શું થયું? યુવાનોને 3,500 રૂપિયા બેરોજગારી ભથ્થું આપવાનું શું થયું? 20 લાખ યુવાનોને રોજગાર આપવાનું શું થયું? કોંગ્રેસ માત્ર ઠાલા વચનો જ આપી શકે છે, વચનો પૂરા નહીં કરી શકે.

Jodhpur, Rajasthan | Throw out Gehlot govt as they cannot do development work, can only do politics of vote bank. PM Modi worked for safety, prosperity of country & also education by bringing NEP. In 2024 all seats from Rajasthan should go to him: Union Home Minister Amit Shah pic.twitter.com/DBWuwAFqg5

— ANI (@ANI) September 10, 2022

अभी-अभी राहुल बाबा, भारत जोड़ो यात्रा लेकर निकले हैं।

राहुल बाबा विदेशी टी-शर्ट पहनकर भारत जोड़ने निकले हैं।

- श्री @AmitShah#पधारो_शाह_राजस्थान pic.twitter.com/hDhRY7i4oE

— BJP (@BJP4India) September 10, 2022

કોંગ્રેસ સરકાર વિકાસનો કામો ન કરી શકે 
શાહે કહ્યું કે કોંગ્રેસની સરકાર વિકાસના કામો ન કરી શકે. તે સડકોનું નિર્માણ ન કરી શકે, વીજળી કે રોજગારી ન આપી શકે. કોંગ્રેસ વોટબેંકને ખુશ કરીને જ રાજકારણ કરી શકે છે. તેમણે કહ્યું કે આજે રાજસ્થાનમાં જે પ્રકારની સરકાર ચાલી રહી છે તેનાથી આપણે સૌ દુઃખી છીએ.રાજસ્થાનમાં ચાલી રહેલી સરકારે રાજ્યને વિકાસમાં પાછળ લઈ જવાનું કામ કર્યું છે. હાલની રાજસ્થાન સરકારે વિકાસને ધ્યાનમાં રાખીને રાજસ્થાનને પાછળ રાખ્યું છે.અમિત શાહે કહ્યું- અત્યારે દેશમાં કોંગ્રેસની ફક્ત બે રાજ્યમાં સરકાર છે જો 2023માં ભાજપની સરકાર બનશે તો શું બચશે.