રાહુલ ગાંધીના જન્મ દિને જાણો રાજનીતિમાં આવતા પહેલા તેમનું જીવન કેટલા પડકારો ભરેલું હતુ.
સાર્વજનિક જીવનથી દૂર રહ્યું બાળપણ
ઘરમાં સ્કૂલની શિક્ષા બાદ દિલ્હીમાં કોલેજ
બદલાયેલા નામથી એમફિલ કર્યુ
કોંગ્રેસના નેતા રાહુલ ગાંધી 19 જૂને પોતાનો જન્મદિન મનાવી રહ્યા છે. આ પ્રસંગ પર કોંગ્રેસે સેવા દિન મનાવવાનો નિર્ણય કર્યો છે. ત્યારે જાણો રાજકારણમાં આવતા પહેલા રાહુલ ગાંધીનું જીવન કેવું હતુ.
સાર્વજનિક જીવનથી દૂર રહ્યું બાળપણ
દિલ્હીમાં 19 જૂન 1970માં જન્મેલા રાહુલ ગાંધી ભારતના પૂર્વ પ્રધાનમંત્રી રાજીવ ગાંધી અને સોનિયા ગાંધીનું પહેલું સંતાન છે. બાળપણ દિલ્હી અને દેહરાદૂનની વચ્ચે વિત્યુ. શરુઆતના જીવનમાં સાર્વજનિક જીવનથી દૂર રહ્યા. જ્યારે જન્મ્યા ત્યારે દાદી ઈન્દિરા ગાંધી ભારતના પ્રધાનમંત્રી હતા. વર્ષ 1981થી 1983ની વચ્ચે ઉત્તરાખંડના દહેરાદૂનની દૂન સ્કૂલમાં અભ્યાસ કર્યો જ્યાં તેમના પિતા પણ ભણ્યા હતા.
ઘરમાં સ્કૂલની શિક્ષા બાદ દિલ્હીમાં કોલેજ
દાદીની 1984માં હત્યા થતા રાહુલના અભ્યાસમાં સમસ્યા આવી. સુરક્ષાના સંકટને જોતા તે અને તેમની બહેન 1989 સુધી ઘરે જ ભણ્યા. 1989માં રાહુલે દિલ્હીના સેન્ટ સ્ટીફન કોલેજમાંથી ગ્રેજ્યૂએટ થવા માટે સ્પોર્ટ્સ ક્વોટામાં એડમિશન લીધું. તે સમયે રાહુલના રેગિંગની તસવીરે ખૂબ હોબાળો મચાવ્યો હતો.
કોલેજ બદલવી પડી
વર્ષ 1990માં રાહુલે અર્થશાસ્ત્રના અભ્યાસ માટે હાર્વડ યુનિવર્સિટીમાં એડમિશન લીધું પણ 1991માં તેમના પિતાની હત્યા થઈ. જે બાદ સુરક્ષાના કારણે અમેરિકાના ફ્લોરિડામાં રોલિન્સ કોલેજમાં ચાલ્યા ગયા. જ્યાં તેમણે 1994માં બીએની ડિગ્રી મેળવી.
બદલાયેલા નામથી એમફિલ કર્યુ
1995માં રાહુલે કૈમ્બ્રિજના ટ્રિનિટી કોલેજથી ડેવલપમેન્ટ સ્ટડીઝમાં એમફિલ માટે દાખલ થયા. પરિવારની સુરક્ષાના સંકટે અહીં પણ રાહુલનો પીછો ન છોડ્યો અને આ રીતે તેમનુ નામ સુ રાહુલ વિંસી લખાવવામાં આવ્યું હતુ. તેમના પિતા અને દાદીના પિતા જવાહરલાલ નહેરુ પણ આ જ કોલેજથી ગ્રેજ્યૂએટ થયા હતા.
અભ્યાસ બાદ કામ
ગ્રેજ્યૂએટ થયા બાદ રાહુલે એક મોનિટર ગ્રુપ નામની એડવાઈઝરી ફોર્મની સાથે લંડનમાં 3 વર્ષ કામ કર્યુ. આ ગ્રુપની સ્થાપના માઈકલ પોર્ટરે કરી હતી. વર્ષ 2002માં તે મુંબઈના એક ટેક્નિકલ બેઝ આઉટ સોર્સિંગ કંપની બૈકોપ્સ સર્વિસેન્સ પ્રાઈવેટ લિમિટેડના નિર્દેશકોમાં એક બની ગયા હતા.
2004માં રાજનીતિમાં પ્રવેશ
રાહુલ વર્ષ 2004માં રાજનીતિમાં આવ્યા. જ્યાં તેમના પર નહેરુ ગાંધી પરિવારના વારસાના રુપમાં કોંગ્રેસ પાર્ટી સંભાળવાના સવાલનો સમાનો સતત કરવો પડ્યો. મે 2004 માં તેમણે ઉત્તર પ્રદેશમાં પોતાના પિતાની સંસદીય સીટ અમેઠીથી ચૂંટણી લડ્યા અને લોકસભાના સભ્ય તરીકે રાજનૈતિક જીવનની શરુઆત કરી.