સુરત / માનહાનિ કેસમાં સુરતની કોર્ટમાં હાજર થયા રાહુલ ગાંધી, ટ્વિટ કરીને કહ્યું કોઈનાથી ડરશો નહીં...

• કોંગ્રેસ નેતા રાહુલ ગાંધી સુરત કોર્ટમાં હાજર થયા
• પૂર્ણેશ મોદીએ કહ્યું અંતિમ શ્વાસ સુધી લડીશું
• રાહુલ ગાંધી પર ચાલી રહ્યો છે માનહાનિ કેસ 

કોગ્રેસ નેતા રાહુલ ગાંધી આજે સુરતમાં આવ્યા છે તેમના પર ચાલી રહેલા કેસની સુનાવણીમાં તેઓ આજે સુરત કોર્ટમાં હાજરી આપવા માટે આવ્યા છે મહત્વનું છે કે તેમના પર દરેક ચોરની અટક મોદી જ કેમ હોય તે નિવેદનને લઈને કેસ કરવામાં આવ્યો હતો.

“The whole secret of existence is to have no fear.”

— Rahul Gandhi (@RahulGandhi) June 24, 2021

કોંગ્રેસ નેતા રાહુલ ગાંધી સુરત કોર્ટમાં હાજર થયા

ચૂંટણી પ્રચાર દરમિયાન કોંગ્રેસ નેતા રાહુલ ગાંધીએ આ નિવદનું ઉચ્ચારણ કર્યું હતું જેને લઈને સુરતમાં કેસ નોંધાયો હતો જેની સુનાવણી આજે હાથ ધરવામાં આવી રહી છે જેમાં રાહુલ ગાંધી પોતાનું સ્ટેટમેન્ટ આપવા આવ્યા છે. 


રાહુલ ગાંધીનું સુરત કોર્ટમાં વધારાનું સ્ટેટમેન્ટ લેવાયું

રાહુલ ગાંધીએ કરેલા નિવેદન  બદલ સુરતના ધારાસભ્ય પૂર્ણેશ મોદીએ તેમની સામે માનહાનિનો કેસ કર્યો હતો રાહુલ ગાંધીએ ચૂંટણીના પ્રચારમાં કહ્યું હતું કે 'દરેક ચોરની અટક 'મોદી' કેમ હોય છે. આ સંદર્ભે સુરતના ધારાસભ્ય પૂર્ણેશ મોદીએ કોર્ટમાં માનહાનિનો કેસ દાખલ કર્યો હતો.

માનહાનિ કેસમાં રાહુલ ગાંધી આજે સુરતમાં 

આ કેસની તારીખ હોવાથી કોર્ટમાં હાજર થવા માટે રાહુલ સુરત આવ્યા છે, જેથી પોલીસ-બંદોબસ્ત ગોઠવી દેવામાં આવ્યો છે. સુરત એરપોર્ટ પર ગુજરાત કોંગ્રેસના અગ્રણીઓએ રાહુલ ગાંધીનું સ્વાગત કર્યું હતું.બાદમાં સુરત કોર્ટ રાહુલ ગાંધી પહોંચ્યા હતાં.કોર્ટમાં રાહુલ ગાંધીનું વધારાનું સ્ટેટમેન્ટ લેવાઈ રહ્યું છે.

રાહુલ ગાંધીને વકીલોએ પણ કેસની વિગતો આપીને બ્રિફ કર્યા

સુરત પહોંચેલા રાહુલ ગાંધીનું એરપોર્ટ પર ગુજરાત કોંગ્રેસના નેતાઓ દ્વારા સ્વાગત કરવામાં આવ્યું હતું. અમિત ચાવડા, હાર્દિક પટેલ, ભરતસિંહ સોલંકી સહિતના કોંગ્રેસના નેતાઓએ રાહુલ ગાંધીનું સ્વાગત કર્યું હતું, સાથે જ એરપોર્ટ પર પહોંચેલા રાહુલ ગાંધીને વકીલોએ પણ કેસની વિગતો આપીને બ્રિફ કર્યા હતા.

રાહુલ ગાંધી પાછા જવા પરત ફર્યા 

સુરત સેશન્સ કોર્ટમાં માનહાનિ કેસમાં રાહુલ ગાંધી સામે સુનવણી પૂર્ણ થતા તેઓ સુરત એરપોર્ટ પર રવાના થયા હતા હવે આગળની સુનવણી 12મી જૂલાઈએ યોજાનાર છે વર્ષ 2019માં ચૂટણી પ્રચાર દરમિયાન તેમણે કરેલા નિવેદન બદલ સુરતના ધારાસભ્ય પૂર્ણેશ મોદી દ્વારા ફરિયાદ નોંધાવવામાં આવી હતી જેની આગળની સુનવણી 12મી જૂલાઈએ હાથ ધરાનાર છે.