અમેરિકા / બાયડન સરકારમાં ભારતીય અમેરિકનોનો દબદબો, સંરક્ષણ મંત્રાલયમાં રાધા અયંગરને મળી શકે છે મોટી જવાબદારી

• અમેરિકાએ ડીપાર્ટમેન્ટ ઓફ ડિફેન્સ હેડકવાર્ટર માટે ભારતીયને નોમીનેટ કર્યું 
• ભારતીય-અમેરિકી રાધા અયંગર પ્લમ્બને મળશે મોટો હોદો 
• અમેરિકામાં 4 મહિનામાં 4 ભારતીય રાજદૂત બન્યા 

અમેરિકામાં ભારતીયનો દબદબો 
અમેરિકાના રાષ્ટ્રપતિ જો બિડેને ભારતીય-અમેરિકી રાધા અયંગર પ્લમ્બને પેન્ટાગોન (ડીપાર્ટમેન્ટ ઓફ ડિફેન્સ હેડકવાર્ટર) માં એક મોટા પદ માટે નોમિનેટ કર્યા છે. રાધા હાલમાં ડેપ્યુટી મિનિસ્ટર ઓફ ડિફેન્સના ચીફ ઓફ સ્ટાફ તરીકે કામ કરી રહી છે. જો બિડેનને 'ડીફેન્સ ઓફ એક્વિઝિશન અને સસ્ટેનમેંટ' ના ડેપ્યુટી અંડર સેક્રેટરીના પદ માટે નોમિનેટ કર્યા છે.

ગૂગલ અને ફેસબુકમાં પણ કામ કર્યું 
ડીફેન્સ મીનીસ્ટ્રીમાં કામ કરતા પહેલા રાધા ગૂગલ અને ફેસબુકમાં પણ કામ કરી ચૂકી છે. ફેસબુકમાં ગ્લોબલ હેડ ઓફ પોલિસી એનાલિસિસ અને ગુગલમાં ડેટા સાયન્સ ટીમમાં કામ કરવાનો અનુભવ છે. આ ઉપરાંત તે મીનીસ્ટ્રી ઓફ એનર્જી અને વ્હાઈટ હાઉસ નેશનલ સિક્યોરિટી કાઉન્સિલમાં પણ અનેક પદો પર કામ કર્યું છે.

ઈકોનોમીમાં phD અને MS છે
રાધા લંડન સ્કૂલ ઓફ ઈકોનોમિક્સમાં આસિસ્ટન્ટ પ્રોફેસર હતી. હાર્વર્ડમાં પોસ્ટડોક્ટરલ તરીકે કામ કર્યું. તેમણે પ્રિન્સટન વિશ્વવિદ્યાલયમાંથી અર્થશાસ્ત્રમાં પીએચડી અને એમ.એસ. અને મૈસાચ્યુસેટ્સ ઇન્સ્ટિટ્યૂટ ઓફ ટેકનોલોજીમાંથી બી.એસ. કર્યું છે.

4 મહિનામાં 4 રાજદૂત બન્યા 
એક મહિના પહેલા વ્હાઇટ હાઉસે એક નિવેદન બહાર પાડીને કહ્યું હતું કે જો બિડેન ભારતીય-અમેરિકી ગૌતમ રાણાને સ્લોવાકિયામાં અમેરિકાના નવા રાજદૂત તરીકે   નોમિનેટ કરવા માટે તૈયાર છે. આ પહેલા બિડેને એપ્રિલમાં ભારતીય-અમેરિકી રાજનયિક રચના સચદેવાને માલીમાં પોતાના રાજદૂત તરીકે નિયુક્ત કર્યા હતા.
માર્ચમાં પુનીત તલવારને મોરોક્કોમાં અને શેફાલી રાજદાન દુગ્ગલને નેધરલેન્ડમાં રાજદૂત બનાવવામાં આવ્યા હતા.