અચ્છે દિન / રિલાયન્સ Jio માટે આવ્યા મોટા સમાચાર, હવે સાઉદી અરબ રોકાણને લઈને કરી શકે છે મોટી જાહેરાત

• રિલાયન્સ JIOમાં જામી રોકાણની હોડ
• કોરોના સંકટ વચ્ચે સતત વિદેશીઓ કરી રહ્યા છે રોકાણ

ગલ્ફ ન્યૂઝના એક અહેવાલ અનુસાર, PIF રિલાયન્સ jioમાં 2.33 હિસ્સો ખરીદવાની તૈયારી કરી રહ્યું છે. આ સાઉદી અરબના એક સોવરેન ફંડ એટલે કે અહીંની સરકારનું ફંડ છે. 

કુલ 25 ટકા હિસ્સો વિદેશી કંપનીઓના હાથમાં રહેશે

આ સોદો થયો તો રિલાયન્સ જિઓ પ્લેટફોર્મનો કુલ 25 ટકા હિસ્સો વિદેશી કંપનીઓના હાથમાં રહેશે. જો કે, રિલાયન્સની યોજના પણ પોતાનો 25 ટકા હિસ્સો વેચવાની હતી. આ રીતે રિલાયન્સ સમૂહ પોતાનો દેણામુક્ત કરવા માગે છે. 

રોકાણ માટે હોડ જામી 

નોંધપાત્ર વાત એ છે કે છેલ્લા કેટલાક અઠવાડિયામાં રિલાયન્સ જિઓમાં અડધો ડઝનથી વધુ વિદેશી રોકાણો પ્રાપ્ત થયા છે. આ કતારમાં સૌથી તાજેતરની કંપનીનું નામ છે TPG  અને L Catterton આ બંને કંપનીઓએ જિઓ પ્લેટફોર્મ લિમિટેડ (JPL)માં અનુક્રમે રૂ.0.93 અને 0.39 ટકા હિસ્સો 4,546.80 કરોડ રૂપિયા અને 1,894.50 કરોડ રૂપિયામાં ખરીદ્યો છે. આ પહેલા ફેસબુક, સિલ્વર લેક, વિસ્ટા ઇક્વિટી, જનરલ એટલાન્ટિક, કેકેઆર અને મુબાદલા જેવી વિદેશી કંપનીઓએ પણ રિલાયન્સમાં રોકાણના સોદા પર હસ્તાક્ષર કર્યા છે.

રિલાયન્સ JIOમાં સૌથી મોટું રોકાણ ફેસબુકનું 

રિલાયન્સ JIOમાં સૌથી મોટું રોકાણ ફેસબુકનું છે, જેણે 22 એપ્રિલે જાહેરાત કરી હતી કે તે જેપીએલમાં 9.99 ટકા હિસ્સો માટે 43,574 કરોડ રૂપિયાનું રોકાણ કરશે. ત્યારબાદ સિલ્વર લેકએ રૂ .5,656 કરોડના રોકાણ સાથે 1.15 ટકા હિસ્સો જાહેર કર્યો હતો, વિસ્તા ઇક્વિટીએ રૂ. 11,367 કરોડના રોકાણ સાથે 2.32 ટકા હિસ્સો જાહેર કર્યો હતો અને જનરલ એટલાન્ટિકએ 6,598 કરોડના રોકાણ સાથે 1.34 ટકા હિસ્સો જાહેર કર્યો હતો.