ડ્રગ માફિયાઓ હવે વડોદરાને પણ ઉંડાતા પંજાબ બનાવવા માંગે છે તેવું લાગી રહ્યું છે. વડોદરામાંથી પંજાબના એક શખ્સને હેરોઇનના જથ્થા સાથે પોલીસે ધરપકડ કરી છે. પંજાબના ડ્રગમાફિયાઓ દેશના અન્ય શહેરોને પોતાના નેટવર્ક માટે ટાર્ગેટ બનાવી રહ્યાં છે.
— VTV Gujarati News and Beyond (@VtvGujarati) July 8, 2019
ઉલ્લેખનીય છે કે, વડોદરા ડ્રગ માફિયાઓને સ્વર્ગ સમાન લાગી રહ્યું છે, બે દિવસ પહેલા દોઢ કિલો અફીણના જથ્થા બાદ એસઓજીની ટીમે પંજાબના એક આરોપીની વડોદરા એમ. એસ. યુનિવર્સીટી પાસે આવેલા ડેરીડેન સર્કલ પાસેથી ઝડપી પાડ્યો છે. આ ઈસ્મ પાસેથી 3.40 ગ્રામ હેરોઇન મળી આવ્યું છે.
આ ઉપરાંત ઇલેકટ્રીક વજન કાંટો અને અન્ય મુદ્દામાલ પણ મળી આવ્યો છે. આરોપી સુખવિન્દરસીંગ ગિલ પંજાબના રસુલપુરનો રહેવાસી છે અને થોડા સમય પહેલા વડોદરા પોતાના સગાને ત્યાં લગ્ન પ્રસંગે આવ્યો હતો અને ત્યારબાદ અહીં હેરોઇનનો વેપાર કરવાનું નક્કી કર્યું અને હેરોઇનનો જથ્થો લઈને આવ્યો હોવાનું બહાર આવ્યું છે.