ખેડૂત આંદોલન / અક્ષયકુમારની ટ્વીટ પર ભડક્યો પંજાબી સિંગર, કહ્યું તુ અસલી કિંગ નથી

• પંજાબી સિંગર જૈઝી બીએ અક્ષયને સંભળાવ્યા કટુ વચન
• રિહાનાની રીટ્વીટ પર બોલિવૂડ સેલિબ્રિટીઝ નો વળતો પ્રતિસાદ
• અક્ષયે સૌહાર્દપૂર્ણ સમાધાનનું સમર્થન કર્યુ

બોલિવૂડ સિતારાઓને પોતાનો પક્ષ મુકવો ભારે પડ્યો
ઈન્ટરનેશનલ સેલિબ્રિટી દ્વારા ખેડૂત આંદોલન અંગે ટ્વીટ કરવી બોલિવૂડ સેલિબ્રિટીઝને જરા પણ ગમ્યુ ના હોય તેવુ જણાઈ રહ્યું છે. રિહાના, ગ્રેટા થનબર્ગ અને મિયા ખલિફા દ્વારા કરવામાં આવેલ ભારતનાં કેન્દ્ર સરકારની વિરુદ્ધની ટ્વીટ બાદ બોલિવૂડનાં તમામ સિતારાઓએ સરકારની હિમાયત કરીને ટ્વીટ સાથે પોતાનો પક્ષ મુક્યો હતો. સિતારાઓની આ લીસ્ટમાં અક્ષયકુમાર પણ સામેલ છે. જોકે આ દરેક સિતારાઓને તેમનો પક્ષ મુક્યા બાદ કડવા પ્રતિસાદનો સામનો કરવો પડ્યો છે.

અક્ષયને ફેક કિંગ ગણાવ્યો
પંજાબી સિંગર જૈઝી બીએ અક્ષયકુમાર દ્વારા કરવામાં આવેલ ટ્વીટ પર પોતાનું રિએક્શન આપ્યુ છે. જૈઝીએ અક્ષયકુમારને ફેક કિંગ ગણાવ્યો છે. અક્ષયકુમારે લખ્યું હતું કે, ખેડુત આપણા દેશનો સૌથી મહત્ત્વનો ભાગ છે અને તેમની સમસ્યાનું નિરાકરણ લાવવા માટે કરવામાં આવેલ પ્રયત્નો સૌની સામે છે. માટે આવો સૌહાર્દપૂર્ણ સમાધાનનું સમર્થન કરીએ નહીંકે વિભાજન કરવા વાળી વાતો પર ધ્યાન આપીએ.

Waw Ji waw Bhaji huni tweet kar rahe ney ! 2 months kisan peaceful protest tey baithe see thuade kolo ik tweet ni hoia tey upro propoganda Das dey oh you ain’t Singh is king the real kings are sitting in protest! Fake king @akshaykumar https://t.co/3HhZ5EIhxG

— Jazzy B (@jazzyb) February 3, 2021

જૈઝી બીએ અક્ષયને વખોડ્યો
અક્ષયની આ ટ્વીટને રીટ્વીટ કરતા જૈઝી બીએ લખ્યુ કે, વાહ જી વાહ, ભાઈ હવે ટ્વીટ કરી રહ્યા છો. ખેડૂત બે મહિનાથી શાંતિપૂર્ણ આંદોલન કરી રહ્યા હતા ત્યારે તમારુ કોઈ ટ્વીટ ના આવ્યું અને હવે તેને પ્રોપેગેન્ડા બતાવી રહ્યાં છો. ઓહ તમે સિંહ ઈઝ કિંગ ના હોઈ શકો કેમકે અસલી કિંગ તો ધરણા પર બેઠા છે, નકલી કિંગ અક્ષયકુમાર.

રિહાનાની રીટ્વીટ બની ચર્ચાનો વિષય
લાંબા સમયથી ખેડૂતો કેન્દ્ર સરકાર દ્વારા લાવવામાં આવેલ કૃષિ બીલનાં વિરોધમાં આંદોલન કરી રહ્યાં છે. જેમાં રિહાનાએ હાલમાંજ ખેડૂતોના વિરોધમાં જોડાયેલી એક ખબરને રીટ્વીટ કરતા ટ્વીટ કર્યું હતું કે કોઈ આ તરફ ધ્યાન કેમ નથી આપી રહ્યું. રિહાના પહેલા પણ ઈન્ટરનેશનલ મુદ્દાઓ પર પોતાની વાત મુકી ચૂકી છે.