વિવાદ / શું રશિયાનો કોરોનાની રસીનો દાવો ખોટો છે? જાણો, કેમ રશિયન સ્વાસ્થ્ય મંત્રાલયના વૈજ્ઞાનિકે આપ્યું રાજીનામું

• પ્રોફેસરનો સવાલ કે શું તમામ માપદંડો પુરા કર્યા?
• વેક્સીનનું રજિસ્ટ્રેશન રોકવામાં નિષ્ફળ ગયા બાદ તેમણે આ પગલું ભર્યુ 
• વાયરોલોજિસ્ટ કર્નલ પ્રો. સર્જી બોરિસેવિક પર ગંભીર આક્ષેપો લગાવ્યા

કહેવામાં આવી રહ્યું છે કે ‘સ્પૂતનિક વી’વેક્સીનનું રજિસ્ટ્રેશન રોકવામાં નિષ્ફળ ગયા બાદ તેમણે આ પગલું ભર્યુ છે. પ્રો. એલેક્ઝેન્ડરે રસીની સુરક્ષા અને અસરને લઈને અનેક સવાલો ઉભા કર્યા હતા. તેમણે વેક્સીન બનાવનારી સંસ્થા ગમાલેયા રિસર્ચ ઈન્સ્ટીટ્યૂટના ડાયરેક્ટર તથા રુસના સેનામાં વરિષ્ટ વાયરોલોજિસ્ટ કર્નલ પ્રો. સર્જી બોરિસેવિક પર ગંભીર આક્ષેપો લગાવ્યા છે.

તેમણે કહ્યું કે આ 2 લોકોએ એકેડમિક્સ અને માપદંડોને કિનારા કરી દુનિયાની પહેલી રસી બનાવ્યાની જાહેરાત કરવાની પુષ્ઠભૂમિ તૈયાર કરી છે. પ્રો. એલેક્ઝેન્ડરે જ રુસમાં  રિસર્ચ ઈન્સ્ટીટ્યૂટ ઓફ પલ્મોનોલોજી ઉભી કરી છે.

પ્રો. એલેક્ઝેન્ડરે બન્ને વૈજ્ઞાનિકો પર સવાલ ઉઠાવતા તેમને પુછ્યું કે શું તમે લોકોએ તમામ માપદંડો પુરા કર્યા છે. જે રુસના સંવિધાનિક કાયદામાં છે અને આંતરરાષ્ટ્રીય વૈજ્ઞાનિક સમુદાયે તૈયાર કર્યા છે.’

તેમણે કહ્યું કે આવા કોઈ પણ માપદંડોનું પાલન કરવામાં આવ્યું નથી. જેનાથી કહી શકાય કે રસી હાનિકારક નથી.  તેમણે કહ્યું કે રસીને લઈને બેજવાબદાર નિવેદનથી હું દુઃખી છું.