Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

પ્રિયંકા ગાંધી એકશન મોડમાં લંચ-ડિનર લીધા વિના કાર્યકર્તાઓ સાથે કરી 16 કલાક બેઠક

પ્રિયંકા ગાંધી એકશન મોડમાં  લંચ-ડિનર લીધા વિના કાર્યકર્તાઓ સાથે કરી 16 કલાક બેઠક
પ્રિયંકા ગાંધીએ લખનઉમાં આવ્યા બાદ એક્શન મોડમાં આવી ગયા છે. કોંગ્રેસના મહાસચિવ પ્રિયંકા ગાંધી વાડ્રા ઉત્તર પ્રદેશમાં પાર્ટીને આગામી લોકસભા ચૂંટણીમાં જીત અપાવા માટે તનતોડ મહેનત કરી રહ્યાં છે.

તેનો અંદાજો એ વાત પરથી કરી શકાય છે કે મંગળવારે બપોરે 1.30 કલાકે શરૂ થયેલી બેઠક બુધવારે સવારે 5.15 કલાક સુધી ચાલી.

આ 16 કલાક સુધી લંચ અને ડિનર વિના સતત પાર્ટીના કાર્યકર્તાઓ સાથે વાતચીત કરી હતી. પ્રિયંકા ગાંધીએ પાર્ટીના કાર્યકર્તાઓને જણાવ્યું કે જૂની કોંગ્રેસની રીત પ્રમાણે કામ નહીં ચાલે પાર્ટીએ નવી રીતથી શરૂઆત કરવી પડશે.

ગઇકાલે દિવસ દરમિયાન પ્રિયંકા ગાંધી વિવિધ લોકસભા વિસ્તારમાં આવેલા બૂથ લેવલના કાર્યકર્તાઓ સાથે મુલાકાત કરી રહ્યા છે. જ્યારે રાતે કોંગ્રેસ કમિટીની બેઠકમાં ભાગ લઈ રહ્યા છે.

આ બેઠક આજે સવાર સુધી ચાલી હતી. આ બેઠક બાદ બહાર નીકળ્યા બાદ પ્રિયંકા ગાંધીએ મીડિયાકર્મીઓના સવાલના જવાબ પણ આપ્યા.

ત્યારે રોબર્ટ વાડ્રા અંગે જ્યારે પ્રિયંકા ગાંધીને પૂછવામાં આવ્યું કે રોબર્ટ વાડ્રાની ઈડી દ્વારા પૂછપરછ કરવામાં આવી રહી છે ત્યારે પ્રિયંકા ગાંધીએ કહ્યું કે આ બધુ ચાલ્યા કરશે.

હું મારુ કામ કરી રહી છું. કોંગ્રેસ કમિટીની બેઠકમાં પ્રિયંકા ગાંધીએ કહ્યું કે હું સંગઠન તેની સંરચના અને તેના વિષે ઘણુ બધુ શીખી રહી છું.

શું શું જરૂરી બદલાવ કરવા તેના વિશે વિચાર ચાલી રહ્યો છે. હું કોંગ્રેસ કાર્યકર્તાઓની પણ ફીડબેક લઈ રહી છું. જેથી આગામી ચૂંટણી જીતવા માટે શું કરવું તે અંગે પણ સમીક્ષા કરવામાં આવી રહી છે.

જોવા જેવું વધુ જુઓ

બ્રેકિંગ ન્યૂઝ