પરીક્ષણ / DRDOએ પ્રલય બેલેસ્ટિક મિસાઈલનું સફળ પરીક્ષણ કર્યું , જાણો કેટલા કિમી દૂરથી ટાર્ગેટ હિટ કરી શકે છે

• Pralay Ballistic missile મિસાઇલનું સફળ પરીક્ષણ 
• ઓડિશાનાં ડૉ એપીજે અબ્દુલ કલામ દ્વીપ પરથી છોડવામાં આવી હતી
• 150 થી 500 કિમીની મારક્ ક્ષમતા ધરાવે છે પ્રલય મિસાઇલ

#WATCH 'Pralay' surface to surface ballistic missile successfully testfired

(Source: DRDO) pic.twitter.com/MjW9lYR1Cm

— ANI (@ANI) December 22, 2021

ચીન અને પાકિસ્તાન સાથેના તણાવ વચ્ચે ભારત પણ સૈન્ય ક્ષમતામાં વધારો કરી રહ્યું છે.

બુધવારે ભારતે સપાટીથી સપાટી પર પ્રહાર કરતી બેલેસ્ટિક મિસાઈલ પ્રલયનું સફળતાપૂર્વક પરીક્ષણ કર્યું હતું. આ મિસાઈલ 150 કિમીથી 500 કિમીની વચ્ચેના લક્ષ્યને નિશાન બનાવી શકે છે. આ મિસાઈલ ઓડિશાના દરિયા કિનારે આવેલા ડૉ એપીજે અબ્દુલ કલામ દ્વીપ પરથી છોડવામાં આવી હતી. આ મિસાઈલ ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) દ્વારા વિકસાવવામાં આવી છે. આ મિસાઈલ એક ટન સુધીના વોરહેડ લઈ જઈ શકે છે. મહત્વનું છે કે, આ પહેલા ભારતે શનિવારે પરમાણુ શસ્ત્રો લઈ જવામાં સક્ષમ મધ્યમ અંતરની બેલેસ્ટિક મિસાઈલ અગ્નિ પ્રાઇમનું સફળ પરીક્ષણ કર્યું હતું. બે હજાર કિલોમીટરની રેન્જને મારવામાં સક્ષમ આ નેક્સ્ટ જનરેશન મિસાઈલનું ઓડિશાના બાલાસોરમાં પરીક્ષણ કરવામાં આવ્યું હતું. આ મિસાઈલ પણ ડીઆરડીઓના વૈજ્ઞાનિકોએ વિકસાવી છે.

Today India successfully testfired the Pralay surface to surface ballistic missile which can strike targets from 150 to 500 kms: DRDO officials pic.twitter.com/d1rSsYCzg6

— ANI (@ANI) December 22, 2021

DRDOએ આ મિસાઈલમાં અગ્નિ-5ની ટેક્નોલોજીનો ઉપયોગ કરવામાં આવ્યો છે

ભલે તેની રેન્જ ઓછી હોય, પરંતુ તેમાં અગ્નિ-5ની ટેક્નોલોજીનો ઉપયોગ કરવામાં આવ્યો છે. આ જ કારણ છે કે તે દુશ્મનની મિસાઈલ ડિફેન્સ સિસ્ટમને ચકમો આપવામાં પણ સફળ થઈ શકે છે. ભારતે આ મિસાઈલ પાકિસ્તાનની શોર્ટ રેન્જ ન્યુક્લિયર મિસાઈલો સામે તૈયાર કરી છે.આ મહિનાની શરૂઆતમાં ભારતે બે મિસાઈલનું પરીક્ષણ કર્યું હતું.8 ડિસેમ્બરના રોજ, ભારતે સુખોઈ ફાઈટર એરક્રાફ્ટમાંથી સુપરસોનિક ક્રૂઝ મિસાઈલ બ્રહ્મોસના એર વર્ઝનનું સફળતાપૂર્વક પરીક્ષણ કર્યું. મિસાઈલનું ઓડિશામાં ચાંદીપુર ઈન્ટીગ્રેટેડ ટેસ્ટ રેન્જમાંથી સફળતાપૂર્વક પરીક્ષણ કરવામાં આવ્યું હતું. ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશને તેને બ્રહ્મોસ ડેવલપમેન્ટમાં મોટી સફળતા ગણાવી છે અને કહ્યું છે કે તે દેશની અંદર બ્રહ્મોસ મિસાઈલના એર વર્ઝનના પ્રોડક્શન સિસ્ટમનો રસ્તો સાફ કરશે.

7 ડિસેમ્બરે ભારતે ટૂંકી અંતરની મિસાઈલ (VL-SRSAM)નું સફળતાપૂર્વક પરીક્ષણ કર્યું હતું.

આ એર ડિફેન્સ સિસ્ટમ માત્ર 15 કિમીના અંતરે જ લક્ષ્યને હિટ કરી શકે છે.ડીઆરડીઓ દ્વારા તેને નેવીના યુદ્ધ જહાજો માટે તૈયાર કરવામાં આવી રહ્યું છે. આ મિસાઈલ નૌકાદળના યુદ્ધ જહાજો માટે હવામાંથી આવતા ખતરાને આકાશમાં જ નષ્ટ કરશે. આ મિસાઈલ જૂની બરાક-1 સરફેસ ટુ એર મિસાઈલને રિપ્લેસ કરશે અને હવાના જોખમોથી 360-ડિગ્રી સુરક્ષા પ્રદાન કરશે.