દુર્ભાગ્ય / શ્રીલંકામાં કંગાલિયતને પગલે સેકસ વર્કનો ધંધો ફૂલ્યોફાલ્યો, કમાન્ડો પણ પણ ગંદુ કામ કરવા બન્યો મજબૂર

• કોરોનાએ શ્રીલંકાની સ્થિતિ બનાવી કંગાળ
• ઘણા ફી માટે તો ઘણા ગુજરાન ચલાવવા સ્પામાં કામ કરવા મજબુર 
• ફક્ત પુરુષો જ નહિ, સ્ત્રીઓ પણ આવે છે અહી સુખ મેળવવા  

શ્રીલંકાની પરિસ્થિતિ બની કંગાળ 
શ્રીલંકા દેશ આજે કંગાળ પરિસ્થિતિમાંથી પસાર થઇ રહ્યો છે ત્યાના લોકોને આજે બે ટાઇમ ખાવા માટે ભોજન પણ નથી મળતું. મોંધવારી એ હદે વટાવી છે કે એક બ્રેડનું પેકેટ લેવું પણ મુશ્કેલ છે. જ્યાં પણ જુઓ ત્યાં લોકો મહેનત કરી રહ્યા છે પરિસ્થિતિને પહોચી વળવા વધુ પૈસા કમાવા માટે લોકો વધુ કલાકો કામ કરી રહ્યા છે. લાઈટમાં કાંપ છે ઇંધણ માટે લાંબી લાઈનો લાગી છે. લોકોને રસોઈ બનાવવા માટે ગેસ ઉપલબ્ધ નથી. પેટ્રોલ ડીઝલની અછતના લીધે ત્યાના રસ્તાઓ સુમસાન બન્યા છે. ઘણા લોકો બેરોજગાર બન્યા છે. ઘણા લોકો કોઈપણ નોકરી કરવા તૈયાર છે. પરંતુ પરિસ્થિતિ એટલી હદે ખરાબ છે કે લોકોને નવી નોકરી મળવી ખુબ મુશ્કેલ છે. રાજધાની કોલંબોમાં તો જ્યાં જુઓ ત્યાં પોલીસ કાફલો જોવા મળે છે. ઘણા લોકોએ તો આ ગરીબીથી પહોચી વળવા માટે ભોજન પણ એક જ સમય લેવાનું ચાલુ કરી દીધું છે. 

લોકો સ્પામાં જોડાઈ રહ્યા છે 
ઘણા લોકો સ્કીલના અભાવે તો ઘણાએ મજબૂરીના કારણે સ્પામાં જોડાઈ રહ્યા છે. આમ જોઈએ તો શ્રીલંકામાં સેક્સ વર્ક પર પ્રતિબંધ છે પરંતુ ઘણા લોકો સ્પાની આડમાં આ કામ કરે છે. હવે એક તરફ દેશમાં લોકોની અવર જવર ઓછી થઇ રહી છે. ત્યારે આવા વિસ્તારોમાં લોકો ઘણાખરા જોવા મળે છે એક બાજુ બધા ધંધા ઠપ થઇ રહ્યા છે તો લોકો અહી કેમ વધુ જોવા મળી રહ્યા છે. અહી મહિલા અને પુરુષ બન્ને જોવા મળે છે ઘણા તો બહુ નાની વયના પણ જોવા મળે છે. લોકો સ્પા તરફ વળ્યા છે.  

શ્રીલંકાની આર્થિક સ્થિતિની અસર સ્પાના ધંધા પર પડી નથી
શ્રીલંકાની આર્થિક પરિસ્થિતિના કારણે ઘણા લોકોને આ કામ કરવા મજબુર બનવું પડ્યું હતું. ઘણી યુવતીઓ પોતાનો અભ્યાસનો ખર્ચ ઉપાડવા માટે આ કામ કરે છે તો ઘણા પોતાના પરિવાર માટે આ ઘંધામાં જોડાવું પડ્યું છે. 

જિગોલો બનવું પડ્યું 
આ બધા વચ્ચે એક શ્રીલંકન કમાન્ડો પણ આ ધંધામાં જોવા મળ્યો.  સેનાની નોકરી છોડ્યા પછી પોતાએ ઘરે પરત ફરવું પડ્યું હતું. દેશની ખરાબ પરિસ્થિતિના લીધે તેમને બીજે ક્યાય કામ ન મળ્યું. આખરે તેમણે પણ આ ધંધામાં જોડાવાનું નક્કી કર્યું જેના લીધે તે પૈસા એકઠા કરી શકે અને બીજા દેશમાં જઈને ત્યાં નોકરી કરી શકે. 

પગાર કરતા વધુ પૈસા મળ્યા.
તે થોડા સમય પહેલા જ આ વ્યવસાયમાં જોડાયો હતો. તેને પૈસાની ખુબ જરૂર હતી. બીજે કશું કામ નહતું. તેમને કહ્યું કે આ કામ એટલું પણ સરળ ન હતું. આ કામ ખુબ મુશ્કેલભર્યું અને અસુરક્ષિત છે અહી ક્યારે શું થશે એ તમને ખબર હોતી નથી. તે સેનામાં મિડલ રેન્ક પર હતો. કમાન્ડો પણ રહ્યો. પણ પગાર બહુ ન હતો. વધુમાં વધુ માત્ર 45,000 રૂપિયા કમાઈ શકતો હતો. પછી તે પોતાની નોકરી છોડીને મધ્ય પૂર્વમાં ગયો. કોરોના ફેલાયો અને પાછો ફર્યો. ત્યારથી અહીં સ્થિતિ વણસી હતી.

પરિવારને કામની ખબર નથી  
તે ત્રણ બાળકોનો પિતા છે તેમના પરિવારને ખબર નથી કે તે શું કામ કરી રહ્યો છે. પોતે સમાજમાં માન સન્માનથી જીવે છે. અને સારા જીવન માટે પૈસા કમાવા જરૂરી હતા જેથી તે આ ધંધામાં આવ્યો. તે પહેલા કરતા આ ધંધામાં વધુ પૈસા કમાઈ છે. અને પરિવારનું ગુજરાન ચલાવે છે. તે વધુ પૈસા કમાઈ ને મધ્ય પૂર્વમાં જવા માંગે  છે અને ત્યાં નોકરી કરવા માંગે છે 

નોકરી ન મળી 
તે જાણે છે કે કદાચ આ વાત તેમના પરિવારને ખબર પડશે તો તે ક્યારે પણ તેમને સ્વીકારશે નહિ પરંતુ મજબુરીમાં અને ઘરનું ગુજરાન ચલાવવા માટે આ કામ કરવું પડ્યું છે. તેમને ઘણી જગ્યાએ કામ કરવા માટે મહેનત કરી પરંતુ બધી જગ્યા પર લોકોને નોકરીમાંથી છુટા કરી રહ્યા હતા આવી પરીસ્થિતિમાં તેના પાસે આ કામ કરવા સિવાય કોઈ ઉપાય નહતો. તે ત્યાનો જિગોલો અને મેનેજર બને છે. આવી સ્થિતિમાં તેણે અહીંની છોકરીઓનું પણ ધ્યાન રાખવું પડે છે.

સુખની શોધમાં આવે છે સ્ત્રીઓ 
અહી ઘણી સ્ત્રીઓ પણ આવે છે જે સ્ત્રીઓ પુરુષ માટે કરે છે એ તે સ્ત્રી માટે કરે છે. ત્યાં મહિલાઓ સરીર સુખ માટે આવે છે. તે દેશની સ્થિતિથી પરેશાન છે, પરિવારથી પરેશાન છે, ઘણી મહિલાઓ ખાલી મસાજ માટે આવે છે તો અમુક સ્ત્રીઓને સેક્સની પણ જરૂર હોય છે. કેટલીક સ્ત્રીઓ અલગ અલગ રીતે ખુશ થવા માંગે છે. જયારે તે સ્ત્રી સાથે હોય છે ત્યારે તેના મગજમાં એક જ વાત હોય છે કે સામે વાળું વ્યક્તિ છેલ્લે ખુશ થઈને જાય.  

પરેશાન સ્ત્રીઓ મેળવે છે થોડો સમય આનંદ  
તેમની પાસે આવતી ઘણી મહિલાઓ પ્રોફેશનલ છે, ઘણી નોકરી કરે છે. કેટલીક તેમના પારિવારિક વિવાદોથી પરેશાન છે. કેટલાક પાસે એવું કોઈ નથી કે જેની સાથે તેઓ તેમના દિલની વાત કરી શકે. શ્રીલંકાની સ્થિતિ એ બધાને પરેશાન કરી દીધા છે તો લોકો થોડી ખુશીની શોધમાં આ રસ્તાઓ સાથે જોડાય છે. દેશની રાજધાનીમાં લોકો દુર દુરથી કામ માટે અહી આવે છે તેમનો પરિવાર દુર હોય છે અહી એકલા મહેનત કરતા હોય છે દિવસ રાતની મહેનતથી તેઓ માનસિક રીતે થાકી જાય છે. જયારે લોકો અહી જાય છે ત્યારે થોડા સમય માટે તેમના જીવનમાં ખુશી મળે છે. અહી આવનારી ઘણી સ્ત્રીઓ તનાવમુક્ત થવા માટે આવે છે. તે જિગોલા ને 45 મિનીટ માટે બુક કરે છે. આ દરમિયાન તે સ્ત્રીઓની સાથે પ્રેમભરી વાતો કરે છે તેમને સહેલાવે છે અને તેમને ખુશ કરવાનો પ્રયત્ન કરે છે. કારણ કે તમને ખબર છે કે તેમના પતિઓ તેમને ક્યારેય કદર નથી કરતા એટલા માટે જ તેઓને થોડી પ્રેમભરી પળો અહી મળે છે. એમનું જીવન આ 45 મીનીટમાં ખુશનુમા રહે છે. 

સર્વિસ મુજબ ભાવ 
જિગોલાને તેમની સર્વિસીસ ના અલગ અલગ ભાવ મળે છે. સ્પા-મસાજના અલગ ભાવ, સેક્સ માટેના અલગ ભાવ અને જો આનથી પણ વધુ કશું હોય તો એ ભાવ પણ અલગ, તેમનું પેકેજ 3500 રૂપિયાથી લઈને 8000 સુધીનું હોય છે. જયારે કોઈ તો વધુ ખુશ થઈને આ કરતા વધુ પૈસા પણ આપી જાય છે .અનેક મહિલાઓ તેની સાથે ઈમોશનલ રિલેશન પણ રાખવા માગે છે. એ ઈચ્છે છે કે તે તેમની જિંદગીની પરેશાનીઓને સમજે અને તેમને સપોર્ટ કરે. તેની અનેક કસ્ટમર્સ છે જે નિયમિત છે અને મહિનામાં બે વખત આવે છે. તેઓ તેમની સાથે એ વાતો કરે છે તે પોતાની કોઈ દોસ્ત કે પરિચિત સાથે કરી શકતી નથી.

શ્રીલંકાના લોકો અત્યારની પરિસ્થિતિથી લડી રહ્યા છે જયારે જેને જે કામ મળ્યું તેનાથી પોતાનું ગુજરાન ચલાવી રહ્યું છે અને આગળ જતા પરિસ્થિતિ સુધારે તેમની રાહ જોઈ રહ્યા છે.