રોકાણ / Post Office ની આ સ્કીમમાં કરો 7500 રૂપિયાનું રોકાણ, વિશ્વાસ નહીં આવે પણ નિવૃત્તિ પહેલાં કરોડપતિ બની જશો

• Post Office ની આ સ્કીમમાં કરો 7500 રૂપિયાનું રોકાણ
• તમારા રિટાયરમેન્ટ પહેલાં કરોડપતિ બની જશો
• PPF માં કરો રોકાણ, તમને મળશે સારું રિટર્ન

લાંબા સમયગાળાનું રોકાણ

Public Provident Fund લાંબા સમયગાળાના રોકાણ માટે શ્રેષ્ઠ વિકલ્પ છે. જેમાં તમને સારું રિટર્ન મળે છે.  PPFમાં તમે વર્ષે 1.5 લાખ રૂપિયા સુધીનું રોકાણ કરી શકો છો. એટલેકે મહિને થયા 12,500 રૂપિયા. જો તમે કરોડપતિ બનવા માંગો છો તો તમારે એ જાણવુ પડશે કે દર મહિને તમારે કેટલું રોકાણ કરવુ પડશે અને ક્યા સુધી કરવુ પડશે.

7.1 ટકા મળે છે વ્યાજ

અત્યારે PPF ખાતા પર  સરકાર 7.1 ટકાનું વાર્ષિક વ્યાજ આપે છે. જેમાં રોકાણ 15 વર્ષ માટે કરવામાં આવે છે. આ હિસાબથી મહિનાના 12,500 રૂપિયાના રોકાણની કુલ વેલ્યુ 15 વર્ષો બાદ 40,68,209 રૂપિયા થઇ જશે. જેમાં કુલ રોકાણ 22.5 લાખ રૂપિયા છે અને વ્યાજ 18,18,209 રૂપિયા.

આ રીતે 1 કરોડ રૂપિયાનું ફંડ થશે જમા

માની લો કે તમે અત્યારે 30 વર્ષના છો અને તમે PPF માં રોકાણ શરૂ કર્યુ છે.
12,500 રૂપિયા દર મહિને 15 વર્ષ સુધી PPF માં જમા કરાવ્યા બાદ તમારી પાસે 40,68,209 રૂપિયા હશે.
હવે આ પૈસાને કાઢવા ફરજીયાત નથી. તમે PPF ને 5-5 વર્ષની મુદ્દતમાં આગળ વધારી શકો છો.
એટલેકે 15 વર્ષ બાદ વધુ 5 વર્ષ રોકાણ કરો. તેથી 20 વર્ષ બાદ આ રકમ 66,58,288 રૂપિયા થશે.
જ્યારે તમારા 20 વર્ષ પૂર્ણ થાય તો પછી આગામી 5 વર્ષ માટે રોકાણ આગળ  વધારવુ. તેથી 25 વર્ષ બાદ રકમ 1,03,08,015 રૂપિયા થઇ જશે.

આ રીતે બની શકાય કરોડપતિ

લો તમે બની ગયા કરોડપતિ. એટલેકે તમે 30 વર્ષની ઉંમરમાં PPF માં 12,500 રૂપિયા દર મહિને રોકાણ કરો છો તો 25 વર્ષ બાદ એટલેકે 55 વર્ષની ઉંમરે કરોડપતિ બની ગયા હશો. ઉલ્લેખનીય છે કે, પીપીએફ ખાતાની મેચ્યોરિટી 15 વર્ષની હોય છે. 15 વર્ષ બાદ આ ખાતાને જો આગળ વધારવુ છે તો પાંચ-પાંચ વર્ષના હિસાબે આ ખાતાને આગળના વર્ષો માટે વધારી શકાય છે.

માત્ર 7500 રૂપિયાનું કરો રોકાણ

જો તમે માત્ર 7500 રૂપિયા મહિને PPFમાં જમા કરાવશો તો પણ 55 વર્ષની ઉંમર સુધી તમે કરોડપતિ બની જશો. પરંતુ તે માટે તમારે 20 વર્ષની ઉંમરથી રોકાણ શરૂ કરવુ પડશે.

7500 રૂપિયામાં PPFમાં 15 વર્ષ સુધી 7.1 ટકા વ્યાજ પર જમા કરાવતા રહેશે તો કુલ મૂલ્ય થશે- 24,40,926 રૂપિયા
5 વર્ષ આગળ વધતા એટલેકે 20 વર્ષ બાદ આ રકમ 39,94,973 રૂપિયા થઇ જશે.
5 વર્ષ વધુ આગળ વધતા એટલેકે 25 વર્ષ બાદ આ રકમ 61,84,809 રૂપિયા થઇ જશે.
5 વર્ષ વધુ આગળ વધતા એટલેકે 30 વર્ષ બાદ આ રકમ 92,70,546 રૂપિયા થઇ જશે.
5 વર્ષ વધુ આગળ વધતા એટલેકે 35 વર્ષ બાદ આ રકમ 1,36,18,714 રૂપિયા થઇ જશે.

એટલેકે જ્યારે તમે 55 વર્ષના થશો ત્યારે તમારી પાસે સવા કરોડ રૂપિયાથી પણ વધુ રકમ જમા થશે. યાદ રાખો કરોડપતિ બનવાની આ ટ્રીક છે કે તમે PPFનો કમ્પાઉન્ડીંગનો ફાયદો ઉઠાવો. તેથી ટૂંક સમયમાં રોકાણ શરૂ કરો અને ધૈર્યની સાથે રોકાણ કરતા જાઓ.