સવાલ / ન નોકરી, ન ઘર, ન ગાડી, કેવી રીતે ગુજરાન ચલાવે છે 'બેરોજગાર' કન્હૈયા કુમાર?

• કન્હૈયા કુમાર કેવી રીતે જીવે છે?
• કન્હૈયા કુમારે પોતાને બેરોજગાર ગણાવ્યો
• બેરોજગાર છે તો કેવી રીતે ગુજરાન ચલાવે છે?

18 કરોડનો માલિક છે કનૈયા કુમાર?
2019માં લોકસભા ચૂંટણીમાં પણ કન્હૈયા કુમારની સંપત્તિને લઇને ઘણો વિવાદ થયો હતો. ત્યારે સોશ્યલ મીડિયા પર દાવો કરવામાં આવ્યો હતો કે કન્હૈયા કુમાર પાસે રોજગારીનું કોઇ સાધન નથી તેમ છતાં તેની સંપત્તિ 18 કરોડ રૂપિયા છે. જો કે આ દાવો ખોટો સાબિત થયો હતો. 

કન્હૈયા કુમારની કુલ સંપત્તિ
વર્ષ 2019માં બિહારના બેગૂસરાય સીટ પરથી ચૂંટણી લડનાર કન્હૈયા કુમારે પોતાને બેરોજગાર ગણાવ્યો હતો. એક રિપોર્ટ અનુસાર કન્હૈયા કુમાર પાસે કેશ ઇન હેન્ડ 24 હજાર રૂપિયા હતા. 

કેટલા રૂપિયા કનૈયાની બેન્કમાં
કન્હૈયા કુમારની બેન્કમાં સેવિંગ અને ઇનવેસ્ટમેન્ટની રકમ 3,57,848 રૂપિયા હતી. વર્ષ 2017-18માં કનૈયાની કુલ ઇન્કમ 6,30,360 હતી જે 2018-19માં ઘટીને 2,28,290 રૂપિયા થઇ ગઇ હતી. 

આ રીતે ચાલે છે ખર્ચ 
એક સોગંદનામામાં કન્હૈયાએ પોતાને બેરોજગાર ગણાવ્યો હતો. જે ફ્રીલાન્સ રાઇટિંગનું કામ કરતો હતો. તે સિવાય કેટલીક યુનિવર્સિટીમાં ગેસ્ટ લેક્ચર પણ આપતો હતો. તે સિવાય કનૈયા પાસે ના ઘર છે ના ગાડી, થોડી જમીન છે તે પણ બાપ-દાદાની છે. કનૈયા કુમાર કહે છે કે, તેને જે પૈસા મળે છે તે તેના દ્વારા લખાયેલ પુસ્તક 'બિહાર ટુ તિહાડ'થી મળનારી રોયલ્ટી છે.