વોટ્સએપ એક ખૂબ જ લોકપ્રિય ઇન્સ્ટન્ટ મેસેજિંગ એપ્લિકેશન છે. આ કારણે સાયબર ક્રિમિનલ્સ તેના દ્વારા યૂઝર્સને ટાર્ગેટ કરવાનો પ્રયાસ કરે છે. ત્યારે પોલીસે લોકોને ચેતવણી આપી છે.
આજકાલ વોટ્સએપ પર ફ્રોડ વધવા લાગ્યા
KYC ના નામે ઠગવામાં આવે છે લોકોને
MTNL નું નામ અને લોગો વાપરે છે સ્કેમર્સ
વોટ્સએપ એક ખૂબ જ લોકપ્રિય ઇન્સ્ટન્ટ મેસેજિંગ એપ્લિકેશન છે. આ કારણે સાયબર ક્રિમિનલ્સ તેના દ્વારા યૂઝર્સને ટાર્ગેટ કરવાનો પ્રયાસ કરે છે. હવે નવા કૌભાંડને લઇને વધુ એક વખત ચેતવણી આપવામાં આવી છે. વોટ્સએપ વપરાશકર્તાઓને વ્યક્તિગત વિગતો શેર કરવા પર પ્રતિબંધ છે. આ વિગતોનો ઉપયોગ સ્કેમર્સ દ્વારા પૈસા ઉપાડવા માટે કરી શકાય છે. દિલ્હી પોલીસે આ અંગે ચેતવણી આપી છે. દિલ્હી પોલીસે ટ્વીટ કરીને આ અંગે જાણકારી આપી છે. તેમાં કહેવામાં આવ્યું છે કે, ટેલિકોમ સર્વિસ પ્રોવાઇડર એમટીએનએલના નામ અને લોગોનો ઉપયોગ કરીને યુઝર્સ સાથે સાયબર ફ્રોડ કરવામાં આવી રહ્યું છે તેવા ઘણા ફ્રોડ કેસ જોવા મળી રહ્યા છે.
Beware❗️
There is a sharp spike in fraudulent incidents wherein @MTNLOfficial’s name & logo are being used to commit cyber fraud. Mobile customers receive WhatsApp messages from miscreants on the pretext of KYC updation to retrieve confidential information.@DCP_CCC_Delhipic.twitter.com/j7HFOVCbxZ
KYC ના નામે ઠગે છે લોકોને
પોસ્ટમાં કહેવામાં આવ્યું છે કે વોટ્સએપ યુઝર્સને સ્કેમર્સના મેસેજ મળે છે. સંદેશને એવી રીતે બતાવવામાં આવ્યો છે કે જાણે તે એમટીએનએલ તરફથી આવ્યો હોય.આ મેસેજમાં યૂઝર્સને કેવાયસી ડિટેલ અપડેટ કરવાનું કહેવામાં આવે છે જેથી તેમનું સિમ કાર્ડ બ્લોક ન થાય. આ મેસેજમાં છેતરપિંડી કરનારાઓ સિમ કાર્ડ બંધ ન થાય તે માટે વપરાશકર્તાને તાત્કાલિક કોલ કરવાનું કહે છે. યૂઝર્સને ડરાવવા માટે તેઓ એ પણ દાવો કરે છે કે તેમનું ઇ-કેવાયસી સસ્પેન્ડ કરી દેવામાં આવ્યું છે અને 24 કલાકમાં સિમ કાર્ડ બ્લોક કરી દેવામાં આવશે.
પર્સનલ ડિટેલ્સ કોઇની સાથે શેર ન કરો
દિલ્હી પોલીસે આવા કૌભાંડ અંગે એલર્ટ આપ્યું છે. આનાથી બચવાના ઉપાયો પણ યુઝર્સને કહેવામાં આવ્યા છે. રિપોર્ટ અનુસાર, ક્યારેય પણ તમારી પર્સનલ ડિટેલ્સ કોઇની સાથે શેર ન કરો. અનવેરિફાઇડ લિંક્સ પર પણ ક્લિક કરશો નહીં. ફોનમાં જે એપની તમને જાણ ન હોય તેને ડાઉનલોડ ન કરો. એમટીએનએલ વોટ્સએપ દ્વારા કેવાયસી વેરિફિકેશન કરતી નથી. આ કારણે આવા મેસેજનો જવાબ ન આપો. સાયબર ફ્રોડના કિસ્સામાં, નજીકના પોલીસ સ્ટેશનમાં તેની જાણ કરો અથવા 1930 પર કોલ કરો.